Pitru Paksha 2023 : पितृपक्षात पितरांच्या शांतीसाठी आणि तृप्तीसाठी पूजा केली जाते. या काळात ब्राम्हणांना सात्विक जेवण खाऊ घातले जाते. या जेवणात खीर नक्की असते. खीर हा उत्तम असा स्वादिष्ट पदार्थ आहे. असे म्हटले जाते की गोड खाऊन ब्राम्हण, पितर आणि देवी-देवता तृप्त होतात. चला तर मग ही खीर बनवण्याची सोपी रेसिपी जाणून घेऊया.

आज आपण दूधी भोपळ्याची खीर कशी बनवायची त्याची रेसिपी जाणून घेऊया.

खीर बनवण्यासाठी लागणारे साहित्य

१ कप किसलेला दूधी भोपळा

२ कप दूध

अर्धा चमचा विलायची पावडर

१ मोठा चमचा कापलेले ड्राय फ्रूट्स

१ छोटा चमचा तूप

अर्धा कप साखर

दूधी भोपळ्याची खीर बनवण्याची पद्धत

दूधी भोपळ्याची खीर बनवण्यासाठी आधी दूधी भोपळ्याचे वरचे साल काढून घ्या. आता दूधी भोपळा किसून घ्या. आता एका पातेल्यात दूध घालून स्लो फ्लेमवर गरम करा. एक दोन उकळीनंतर गॅस बंद करून घ्या. आता एका कढईत १ चमचा तूप घालून गरम होऊ द्या. या तूपात किसलेला दूधी भोपळा घालून शिजू द्या. जेव्हा दूधी भोपळा शिजून मऊ होईल त्यावेळी त्यात दूध घालून चमच्याने ढवळत राहा. (Recipe)

आता खीर कढईतील दूध घट्ट होतपर्यंत गॅसवर शिजवा. त्यात चवीनुसार साखर आणि विलायची पावडर घाला. त्यानंतर खीरमध्ये कापलेले ड्राय फ्रूट्स घालून ३-४ मिनिटे शिजू द्या. त्यानंतर गॅस बंद करा. तुम्ही ही खीर कढईतून काढून बाउलमध्ये काढून ड्राय फ्रूट्सच्या मदतीने गार्निश करू शकता. (Food)