औरंगाबाद - पोहे इडली बनवणे खूप सोपे आहे. तुम्ही इडली पीठापासून वेगवेगळे खाण्याचे पदार्थ बनवता. एकदा ही रेसिपी बनवल्यानंतर तुम्ही पुनः पुन्हा बनवाल. तर चला रेसिपी विषयी जाणून घेऊ या..

साहित्य

- १ कप पोहे

- १ कप तांदळाचे पीठ

- १ कप दही

- पाणी आवश्यकतेनुसार

- चवीनुसार मीठ

- २/३ टेबल स्पून फ्रूट साॅल्ट

कृती

- सर्वप्रथम पोहे मिक्सरमध्ये बारीक करुन घ्या. त्यात एक कप दही टाकून एकत्र करुन घ्या.

- आता तांदळाचे पीठ त्यात टाकून एकत्र करा.

- हे मिश्रण ३० मिनिटांसाठी झाकून ठेवा.

- मिश्रण सुकत चालले असे वाटत असेल तर त्यात पाणी टाका

- त्यात फ्रूट साॅल्ट टाकून ते इडली मेकरमध्ये टाका

- चांगल्या प्रकारे वाफाळू द्या. तुमचे पोहे इडली खाण्यासाठी तयार आहे.