Poha Thalipeeth : पावसाळा आला की आपल्याला खमंग आणि गरम काहीतरी खावसं वाटतं. चला तर आजच्या लेखात मग पावसाळ्यात सकाळी सकाळी नास्ताला खमंग असे पोह्याचे थालीपीठ कसे तयार याची सविस्तर रेसिपी पाहू या..

पोहे हे अतिशय चांगले प्रोबायोटिक अन्न आहे. हे तुमच्या आतड्याच्या आरोग्यासाठी खूप चांगले आहे. यामध्ये असलेले कार्बोहायड्रेट्स आणि प्रोटीन्स आणि फायबर्समुळे तुमची पचनशक्ती मजबूत होते. पोहे वजन कमी करण्यात उपयुक्त आहे.

साहित्य

• एक कप जाड पोहे

• अर्धा कप गव्हाचे पीठ

• अर्धा कप बेसन

• कोथिंबीर 

• अर्धा चमचा तिखट

• अर्धा चमचा धणे पावडर

• एक चमचा जीरे पावडर

• एक चमचा ओवा

• एक चमचा तीळ

• अर्धा चमचा हळद

• हिंग

• मीठ चवीनुसार

कृती:

सर्वप्रथम पोहे स्वच्छ धुवून थोड्या पाण्यात पंधरा-वीस मिनिटे भिजत घालावे.नंतर ते एका बाऊल मध्ये घेऊन चांगले स्मॅश करून घ्यावे. मग त्या बेसन व कणिक मीक्स करून त्यात तिखट, मीठ, धणेपूड, जिरेपूड, कोथिंबीर, हिंग, हळद, तीळ, ओवा टाकून ते मिश्रण चांगले एकजीव करून घ्यावे मग गरजे नुसार पाणी घालू त्याचा माऊसर गोळे तयार करून तेलाने ग्रिसींग केलेल्या तव्यावर थालीपीठ थापून घ्यावे. दोन्ही बाजूंनी थालीपीठ चांगले खरपुस भाजून घ्यावे. हे गरमागरम थालीपीठ तुम्ही शेंगदाणा चटणी सोबत खाऊ शकता.