पुणे : जर आपण काही डिशेसबद्दल चर्चा करत असाल तर भारतीय तांदळाचे डिशेस या यादीमध्ये सर्वात आधी असतील. डाळ भातपासून खिचडी किंवा वाडग्यात साधी दही भात असे अनेक पर्याय आहेत, ज्यांना आपण अजिबात दुर्लक्ष करू शकत नाही. दुसरीकडे साउथ इंडियन खाद्यपदार्थातामध्ये तुम्हाला बर्‍याच तांदळाचे डिशेस पाहायला मिळतात जे स्वादिष्टही असतात. तांदूळ दक्षिण भारतातील बहुतेक प्रादेशिक पाककृतींमध्ये महत्वाची भूमिका बजावते.  

व्हेज-नॉनव्हेज बिर्याणी ही अनेकांची आवडती डिश असल्यामुळे अनेकांच्या मनात ती जागा निर्माण केली आहे. त्यात पण राजमा राइसची डिश पाहिल्यानंतर कुणीही याला नाकारू शकत नाही. आमच्याकडे साउथ इंडियन राजमा राइसची एक अप्रतिम रेसिपी आहे जी फक्त 15 मिनिटांत तयार केली जाऊ शकते, जे रात्रीच्या मेजवानीसाठी झटपट तयार करता येईल. साउथ इंडियन राजमा राइस बनवण्यासाठी केवळ 15 मिनिटे लागतात. हे घरीसुद्धा गेट-टूगेदरसाठी देखील योग्य डिश आहे आणि जर आपण एखाद्या दिवशी लंच किंवा डिनरसाठी वेगळी डिश शोधत असाल तर ही एक उत्कृष्ट डिश नक्कीच असेल. 

साहित्य 

तांदूळ 175 ग्रॅम
तेल 4 चमचे
ढोबळी मिरची 1 
लाल भोपळी मिरची 1 
चिरलेला कांदे 2  
हिरव्या मिरच्या
चिरलेला टोमॅटो 3 
राजमा (सोयाबीन) 100 ग्रॅम
ताजी तुळशीची पाने 
लाल तिखट १ टीस्पून
लसूण पावडर १/२ टीस्पून 
मिरपूड १/२ टीस्पून
मीठ
कोथिंबीर 

कृती : सुरवातीला कुकर किंवा पातेल्यामध्ये तांदूळ शिजवून घ्या. राजमा गरम पाण्यातून बाजूला काढून ठेवा.  गॅसवर कढई ठेवून त्यात तुम्ही तेल किंवा आवडीनुसार तूप वापर शकता. तेल गरम झाल्यावर चिरलेला कांदा, हिरवी मिरची, ढोबळी मिरची आणि टोमॅटो हे सर्व मिक्स करा. त्यानंतर त्यात तिखट लसूण पावडर आणि मिरेपूड टाका. लगेच त्यात भिजवलेले सोयाबीन आणि शिजवलेले तांदूळ मिक्स करून एकत्र करून घ्या. त्यात खिसलेला नारळ, कोथिंबीर याचा वापर करून त्याला एक सुवासिक दक्षिणेचा चव मिळतो जो आपण चाखल्याशिवाय राहूच शकत नाही. अशा पद्धतीने अवघ्या १५ मिनीटात टेस्टी साउथ इंडियन स्टाइल राजमा राइस तयार होईल.