आपल्या सकाळच्या नाश्तामध्ये पोहे हा प्रकार खूप साधारण आहे. आपण अनेकजण सकाळच्या नाश्त्यात पोहे खात असतो. पण तुम्ही दडपे पोहे विषयी ऐकलं का. मुळात हे दडपे पोहे प्रामुख्याने कर्नाटक येथे बनवले जाते. हे खुप टेस्टी आणि बनवायला खुप सोपी असतात आज आपण दडपे पोहे कसे बनवायचे, यासंदर्भात जाणून घेणार आहोत.

साहित्य –

• पाव किलो पातळ पोहे

• २ कांदे बारीक चिरा

• २ काकड्या बारीक चिरा

• ४-५ हिरव्या मिरच्या बारीक चिरा

• मूठभर कोथिंबीर बारीक चिरा

• अर्धी वाटी दाण्याचं कूट

• अर्धी वाटी खोवलेलं ओलं खोबरं

• १-२ टीस्पून साखर

• अर्ध्या लिंबाचा रस

• मीठ चवीनुसार

• १-२ टेबलस्पून तेल

• थोडी मोहरी

• पाव टीस्पून हिंग

कृती –

१) पोहे कढईत मंद आचेवर कुरकुरीत होईपर्यंत भाजून घ्या. त्यानंतर बाजुला काढून ठेवा.

२) पोहे थंड झाले की त्यावर कांदा, काकडी, कोथिंबीर, साखर, मीठ, दाण्याचं कूट. ओलं खोबरं घाला.

३) एका लहान कढईत तेल गरम करा. तेल चांगलं तापलं की त्यात मोहरी घाला.

४)यानंतर त्यात बारीक चिरलेली हिरवी मिरची घालून ती चांगली परतून घ्या.

५) आता त्यात हिंग घाला आणि गॅस बंद करा. ही फोडणी पोह्यांवर ओता.

६) सगळं नीट एकत्र करा.