सोशल मीडियावर दर आठड्याला चित्र-विचित्र पदार्थ बनविण्याचे व्हिडिओ व्हायरल होत आहेत. ढोकळा आईस्क्रीमनंतर (Ice Cream)आता मॅगी परोठोचा व्हिडिओ व्हायरल (Viral Video) झाला आहे. इंदूरमधील एका स्ट्रीट फूड विक्रेत्याने हा मॅगी परांठा तयार केला आहे. साहजिकच अल्पावधीतच तो व्हायरल झाला आहे. (Weired Food Viral Video)

हा व्हायरल झालेला व्हिडिओ फूड ब्लॉगर प्रशांत विजयवर्गीय यांनी इंस्टाग्रामवर शेअर केला होता. त्यानंतर आरजे रोहनने तो पुन्हा शेअर केला. मॅगी पराठा बनवण्यासाठी आधी त्या विक्रेत्याने एका पातेल्यात लोणी टाकले. नंतर त्यात काही भाज्या आणि मसाले टाकले आणि थोडावेळ परतले. पुढे त्याने पाणी, नूडल्स आणि मसाला घालून साधी मॅगी तयार केली. नंतर त्याने शिजवलेली मॅगी परांठ्याच्या कणकेत भरली. त्यानंतर त्या विक्रेत्याने पराठा लाटून तो तव्यावर सोनेरी-तपकिरी रंगाचा होईपर्यंत भाजला. त्यावर थोडे चीज किसून तो खायला दिला. त्याने या पराठ्यासोबत लोणचं, कांदा, रायता, भाजी करी आणि हिरवी चटणी सर्व्हिंगसाठी दिली. या व्हिडीओला आतापर्यंत ७० हजारांपेक्षा जास्त लोकांनी पाहिले आहे. नेटिझन्सनी या प्रयोगाबद्दल नाराजी व्यक्त केली आहे. (Weired Food Viral Video)