GREEN TOMATO CHUTNEY: टोमॅटोमध्ये उष्मांकाचे प्रमाण तसेच कर्बोदकांचे प्रमाण हे अत्यंत कमी असते. त्यामुळे रक्तदाब, हाय कोलेस्टेरॉल, हृदयविकार, मधुमेह या आजारांमध्ये टोमॅटोचं सेवन गुणकारी ठरतं. वजन कमी करायचे असल्यास आहारात रोज टोमॅटोचा समावेश करावा. टोमॅटो खाल्ल्याने पोट भरल्याची भावना निर्माण होते व त्यामध्ये कमी उष्मांक असल्याने वजन कमी होण्यास मदत होते. टोमॅटोमध्ये ‘अ’ जीवनसत्त्व भरपूर प्रमाणात असल्याने रातआंधळेपणा, दृष्टिदोष या विकारांवर टोमॅटो उपयुक्त आहे. आजच्या लेखात आपण हिरव्या टोमॅटो चटणी कशी तयार करायची याची सविस्तर रेसिपी पाहणार आहोत.

साहित्य:

दोन हिरवे टोमॅटो

दोन ते तीन हिरव्या मिरच्या 

दोन चमचे भाजलेले तीळ

दोन चमचे भाजलेले शेंगदाणे

दोन चमचे भाजलेले सुके खोबरे

लसुण पाकळ्या 

कोथिंबीर

चवीप्रमाणे मीठ

गूळ

तेल

जिरे 

हळद

कृती:

टोमॅटो स्वच्छ धुवुन उभे पातळ कापून घ्यावेत. एका कढईत तेल तापवून त्यात जिरे आणि हळद घालावी. जीरे थोडे तडतडले की त्यात टोमॅटो घालून परतावे. सतत हलवत रहावे. तोंएटोला सुटलेले पाणी पूर्ण आटले पाहीजे आणि टोमॅटो नीट शिजेल अशे भाजले गेले पाहीजे. कदाचीत काही फोडी करपण्याची शक्यता आहे. तसे झाले तरी हरकत नाही. आता हे भाजलेले टोमॅटो थोडे थंड होऊ द्यावेत. मीठ, मिरची, तीळ, दाणे, खोबरे, कोथिंबीर आणि गूळ एकत्र करुन भरड वाटावे. आता त्यातच टोमॅटो घालून नीट बारीक करून घ्यावे. अशारितीने तुमची हिरव्या टोमॅटोची चटणी तयार झाली आहे. तुम्ही ही चटणी भाकरी किंवा पोळी सोबत खाऊ शकता.