कुरकुरीत भजी खाण्याची मजा वेगळीच असते. पारंपारिक बेसन भजी सोडून तुम्ही हिवाळ्यात ज्वारीच्या पिठापासून पौष्टिक भजी बनवू शकता. या भजी अतिशय कुरकुरीत आणि स्वादिष्ट असतात.

Health Benefits of Jowar : ज्वारी मध्ये असलेल्या फायबर मुळे बॅड कोलेस्ट्रॉल (LDL) चं प्रमाण कमी होतं ज्यामुळे हृदया संबंधित होणारे आजार जसं की स्ट्रोक, अटॅक येण्याची शक्यता कमी होते .ज्वारी वर एक थर असतो जो कॅन्सर चा प्रतिकार करू शकत असतो. ज्वारी मध्ये असलेल्या काही घटकांमुळे अकाली वृद्धत्व सुद्धा येत नाही.ज्वारी ही फायबर युक्त असते. आपल्या शरीराला रोज 48% फायबरची गरज असते. फायबर मुळे अन्न नलिकेचं कार्य सुरळीत होत असतं. आजच्या लेखात आपण हिवाळ्यात ज्वारीच्या पिठापासून  पौष्टिक भजी कसे तयार करायचे याची सविस्तर रेसिपी पाहणार आहोत.

ज्वारी पकोडा बनवण्यासाठी साहित्य

1) एक वाटी ज्वारीचे पीठ

2) हिंग

3) ओवा

4) काळी मिरी

5) एक बटाटा

6) हळद

7) लाल तिखट

8) धने पावडर

9) जिरे पावडर

10) मीठ

11) तळायला मोहरीचे तेल

12) आले लसूण पेस्ट

13) काळे तिळ

कृती:

एका भांड्यात ज्वारीचे पीठ घ्यावे. आता त्यात हिंग, लाल तिखट, धनेपूड, हळद, आले पेस्ट, काळी मिरी पावडर, काळे तिळ ,जिरेपूड आणि मीठ घाला. हळू हळू पाणी घालून चांगले मिसळा आणि गुळगुळीत पीठ तयार करा.

आता बटाटाणी साल काढून त्याचे पातळ काप करावे. 

आता एका कढईत मोहरीचे तेल गरम करावे आणि ते स्मोकिंग पॉईंटवर येऊ द्या. तेलातून धुर कमी झाला की आणि ते थोडेसे हलके झाले की ते वापरण्यासाठी तयार आहे. आता फक्त बटाट्याचा तुकडा पिठात बुडवून गरम तेलात काळजीपूर्वक टाका.सर्व बाजूंनी सोनेरी तपकिरी होईपर्यंत तळून घ्यावे. सर्व भजी टीशू पेपरवर काढावे हे भजे तुम्ही पुदिन्याची चटणी आणि टोमॅटो केचप बरोबर खाऊ शकता.