Winter Recipe
Winter Recipe Esakal
फूड

Winter Recipe: हिवाळ्यात खायला पौष्टिक असणारी कुळीथ पिठी कशी तयार करायची?

सकाळ डिजिटल टीम

कोकणात कुळीथ या नावाने प्रसिद्ध असलेल्या या कडधान्याला देशावर हुलगे असं म्हणतात. परंतु, हे अत्यंत उष्ण असल्यामुळे रक्तविकार असलेल्या व्यक्तींनी शक्यतो कुळीथ खाणे टाळावे.आजारपण आल्यास कुळथाचं कढणं किंवा सूप करुन रुग्णास दिल्यास त्याला आराम मिळतो. भरपूर ताकात कुळीथ शिजवून जिरे, तुपाची फोडणी दिली की उत्तम कढण तयार होते.कुळथाचं कढण वातनाशक असून जेवणातील रुची उत्पन्न करणारे आहे.आजच्या लेखात आपण हिवाळ्यात खायला पौष्टिक असणारी कुळीथ पिठी कशी तयार करायची याची सविस्तर रेसिपी पाहणार आहोत.

साहित्य :

एक वाटी कुळथाचं पीठ

एक मोठा कांदा

एक टोमॅटो

आठ-दहा सोललेल्या लसूण पाकळ्या

फोडणीसाठी जिरं-मोहरी 

दीड चमचा मिरची पावडर

थोडी हळद

दीड पळी तेल

चवीपुरतं मीठ-साखर

कृती : 

एका भांड्यात कुळथाचं पीठ घेऊन त्यात पाणी ओतून ते नीट एकजीव करा. हे पीठ चांगलं पातळ झालं पाहिजे. त्यात गुठळ्या राहू देऊ नका. नंतर गॅसवर लोखंडी कढई ठेवून त्यात जरा जास्तच तेल टाका. तेल कडकडीत तापल्यावर जिरं-मोहरीची फोडणी द्या. ती तडतडल्यावर लसूण पाकळ्या ठेचून टाका. लसणाचा वास घमघमल्यावर बारीक चिरलेला कांदा टाका. कांदा शिजत आल्यावर त्यात हळद-मसाला आणि बारीक चिरलेला टोमॅटो टाका. मीठ-साखर टाका. हे सगळं मिश्रण नीट शिजून एकजीव झाल्यावर त्यात पाण्यात कालवलेलं कुळथाचं पीठ टाका आणि झाकण मारा. पाचेक मिनिटात पिठी मस्त शिजते. तिचा वास घरात दरवळायला लागला की, गॅस बंद करा आणि लगेच पिठी भाताबरोबर हाणायला सुरुवात करा.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Lok Sabha Election 2024 Phase 3 LIVE Updates : तिसऱ्या टप्प्यातील मतदानाला सुरुवात.. रितेश-जेनेलिया देशमुखांनी बजावला मतदानाचा हक्क

PM Modi: 'प्रज्वल रेवण्णांचे व्हिडिओ आताचे नाहीत'; पंतप्रधान मोदींनी पहिल्यांदाच केलं थेट भाष्य

Satara Lok Sabha : साताऱ्याचा खासदार कोण होणार? उमेदवारांचे भवितव्य होणार आज यंत्रात बंद

Met Gala 2024 : बावनकशी सौंदर्य ; मेट गालाला आलियाच्या लूकने वेधलं लक्ष... 'हे' आहे तिच्या खास साडीच वैशिष्ट्य

Latest Marathi News Live Update : महायुतीच्या उमेदवार पंकजा मुंडेंच्या प्रचारासाठी PM मोदी आज बीड दौऱ्यावर

SCROLL FOR NEXT