ganesh-festival

Ganesh Festival : बेळगाव येथील रयत गल्लीत घरोघरी देखावे 

सकाळवृत्तसेवा

बेळगाव - सर्रास ठिकाणी सार्वजनिक गणेशोत्सव मंडळांकडूनच देखावे सादर केले जातात पण बेळगावातील रयत गल्ली, वडगाव येथे घराघरांत देखावे सादर करण्यात येत आहेत. ही परंपरा 1995 पासून सुरू आहे. प्रत्येक घरात सामाजिक संदेश देणारे देखावे साकारण्यास सुरवात झाली आहे. यंदाही रयत गल्लीतील रहिवाशांनी एकापेक्षा एक सुंदर असे देखावे केले असून ते पाहण्यासाठी रात्री उशिरापर्यंत गर्दी होत आहे. 

शहरातील गणेशोत्सवाला मोठी परंपरा असून दरवर्षी आकर्षक आणि सुंदर देखावे सादर केले जातात. देखाव्यांच्या माध्यमातून सामाजिक संदेश देण्याचा प्रयत्न होतो. देखाव्यांसाठी मोठ्या प्रमाणात खर्चही करावा लागतो. त्यामुळे काही जणांचा अपवाद वगळता घरात अधिक प्रमाणात खर्च करून देखावे सादर केले जात नाहीत. मात्र रयत गल्ली, वडगाव येथील नागरिक 15 वर्षांपासून घरामध्ये देखावे सादर करीत आहेत. त्यामुळे रयत गल्लीतील देखाव्यांची उत्सुकता सर्वांना लागून राहिलेली असते. 

गल्लीतील राजू मरवे यांनी यशोदामाई श्रीकृष्णाला हातावर खेळवत असल्याचा देखावा सादर केला आहे, तर प्रीतेश होसुरकर यांनी उचगाव येथील मळेकरणी देवीचा परिसर, उत्तम होसुरकर यांनी दोऱ्यातून पडणारे पाणी, कुमार बिर्जे यांनी लाल किल्ला, सौरभ रेडेकर यांनी आषाढी वारीतील रिंगण, राजू लोहार यांनी 1979 मधील नंदिहळ्ळीतील लोहार शाळेचा देखावा सादर करून जुन्या आठवणींना उजाळा देण्याचा प्रयत्न केला आहे. तसेच संतोष काजोळकर, नरेश तारीहाळकर, नागेंद्र काजोळकर, बंडू बिर्जे, यल्लाप्पा तारीहाळकर, परशराम केरवाडकर आदींनी घरामध्ये आकर्षक देखावे सादर केले आहेत. 

1995 पासून प्रत्येक घरात गणेशमूर्ती प्रतिष्ठापनेबरोबरच देखावे सादर करण्याची परंपरा सुरू झाली, ती आजही सुरू आहे. चांगल्या प्रकारचे देखावे एकाच गल्लीत पाहता येतात, त्यामुळे रात्री उशिरापर्यंत देखावे पाहण्यासाठी गर्दी होत असून घराघरांत देखावे करण्याची पद्धत रयत गल्लीतच दिसून येते. 
- राजू मरवे,
रहिवासी

सकाळ+ चे सदस्य व्हा

ब्रेक घ्या, डोकं चालवा, कोडे सोडवा!

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Gujarat Farmers Protest : गुजरातमध्ये शेतकरी आंदोलनाला हिंसक वळण; ४७ जणांना अटक, १००० हून अधिक आंदोलकांविरुद्ध गुन्हे दाखल

Khadakwasla Dam : ‘खडकवासल्या’त सर्वोच्च पाणीसाठा, तेरा वर्षांतील उच्चांकी; धरणक्षेत्रात पावसाचा दिलासादायक परिणाम

Viral Video: रशियन महिलेने प्राणी संग्रहालयात नको ते कृत्य केलं... पाहणारे ही संतापले, व्हिडिओ व्हायरल

UPSC 2024 : ‘यूपीएससी’तील यशस्वितांचा गौरव; प्रशासकीय सेवेत आवड महत्त्वाची : माजी पोलिस आयुक्त विवेक फणसाळकर

Shravan 2025 Food Avoid: श्रावणात नॉन व्हेज टाळताय? मग प्रथिनांची कमतरता भरून काढण्यासाठी 'या' 5 शाकाहारी पदार्थांचा करा आहारात समावेश

SCROLL FOR NEXT