कर्जत : गणेशोत्सव (Ganesh Festival) अवघ्या काही दिवसांवर येऊन ठेपल्याने भक्तांची मखर, गणरायाच्या सजावटीसाठी लागणाऱ्या वस्तू खरेदीसाठी लगबग सुरू झाली आहे. थर्माकोलच्या (thermocol) मखरऐवजी आता इको फ्रेंडली (Eco friendly) मखरांना (Decoration) भक्तांकडून अधिक मागणी वाढू लागली आहे. कर्जतमध्येही (Karjat) बांबूवर (bamboo) कलाकुसर करून आकर्षक मखर बनवले जात आहेत. त्याची किंमत अडीच हजार ते १५ हजारांपर्यंत आहे.
एखाद्या साध्या मंदिराप्रमाणे मखर बनवायचे असेल, तर संपूर्ण दिवस लागतो. मात्र, मागणीनुसार कलाकुशल वापरून बनवायचे असेल, तर कमीतकमी तीन दिवस लागतात. बांबूच्या मखर कमीत कमी चार ते पाच वर्षे टिकते. मखर बनवण्याचे काम गणेशोत्सवाच्या तीन महिने आधीपासूनच सुरू होते.
कर्जतमधील रवींद्र कांबरी हे सुद्धा बांबूपासून उत्कृष्ट आणि आकर्षक मखर बनवत असून, त्यांच्या या मखरांना वाढती मागणी आहे. कांबरी हे यापूर्वी थर्माकोलचे मखर बनवायचे; मात्र चार वर्षांपासून थर्माकोलच्या मखरवर बंदी आल्याने त्यांनी इको फ्रेंडली बांबूच्या मखर बनवण्यास सुरुवात केली. सध्या बाजारात बाबूंच्या मखरांना कमीत कमी अडीच हजार मोजावे लागते. तर मोठ्या आकाराच्या मखराची १५ हजारांपर्यंत विक्री होते.
बांबूचे मखर अष्टविनायक, षटकोनी मंदिर, सिंहासन, धनुष्य सिंहासन, आयक्रॉस मंदिर, काडी मंदिर, चौरस सिंहासन, टॉवर सिंहासन आदी विविध आकारातील मखर बांबूपासून बनवण्यात येतात.
बनवण्याची पद्धत बांबू एक वर्ष अगोदर तोडून बांधून ठेवावा लागतो. चांगल्या प्रकारे सुकल्यानंतर त्याला आकाराप्रमाणे सोलावा लागतो. त्यानंतर वेगवेगळ्या आकाराप्रमाणे त्याच्या पट्ट्या पाडल्या जातात आणि मग त्या गुंफून मखर बनली जाते.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.