Dairy Milk Chocolate Modak Recipe: दहा दिवस आनंद साजरा केला जाणार गणेशोत्सव 6 सप्टेंबरला संपणार आहे. या दिवशी अनंत चतुर्दशी साजरी केली जाणार आहे. याच दिवशी बाप्पाचे विसर्जन केले जाते. हा गणेशभक्तांसाठी एक भावूक करणारा क्षण असतो. कोणी दीड दिवसानंतर तर कोणी पाच दिवसांनंतर तर कोणी सात दिवसानंतर गणपती विसर्जन करतात.

गणपती बाप्पा जसे ढोल-ताशांच्या गजरात येतात त्याचप्रमाणे निरोप देखील ढोल-ताशांच्या गजरात होतो. बाप्पाला मोदक खुप प्रिय आहे. तुम्ही शेवटच्या दिवशी बाप्पासाठी १० मिनिटांमध्ये डेअर मिल्क चॉकलेट मोदक तयार करू शकता. हे मोदक बनवणे खुप सोपे आहे. हे मोदक लहान मुले देखील तयार करू शकतात. चला तर मग जाणून घेऊया हे मोदक बनवण्यासाठी कृती काय आणि कोणते साहित्य लागते.

डेअरी मिल्क चॉकलेट मोदक बनवण्यासाठी लागणारे साहित्य

डेअर मिल्क चॉकलेट- ३ पॅक

गरम पाणी - १ ग्लास

सुकामेवा- बारिक तुकडे

पिस्ताचे - बारिक तुकडे

डेअरी मिल्क चॉकलेट मोदक बनवण्याची कृती

सर्वात आधी एका भांड्यात पाणी गरम करावे.

नंतर गरम पाण्यात डेअर मिल्क चॉकलेटचे पॅक टाकावे.

नंचर हे पॅक गरम झाल्यावर त्यातील चॉकलेट काढून मोदकाच्या साच्यामध्ये टाकावे.

त्यात तुम्ही सुकामेवा किंवा पिस्ताचे बारिक तुकडे टाकू शकता.

मोदक साचा थोडावेळ फ्रिजमध्ये ठेवावे.

नंतर साचा बाहेर काढून त्यातील मोदक काढून घ्यावे.

तयार डेअर मिल्क चॉकलेटचे मोदक बाप्पाला अर्पण करू शकता.

घरातील लहान मुले देखील आनंदी होतील.