भारताला सणांचा देश म्हटलं जातं. देशातील वेगवेगळ्या ठिकाणी प्रत्येक महिन्यात सण आणि उत्सव साजरे केले जातात. दरम्यान, राज्यात जन्माष्टमी आणि रक्षाबंधनंतर आता अनेकांना गणेशोत्सवाचे वेध लागले आहेत. सध्या याची जोरदार तयारी दिसून येत आहे. कोरोनानंतर दोन वर्षांनी यंदा हा सण थाटामाटात साजरा केला जात आहे. त्यामुळे नागरिक यंदा गणेशाच्या आगमणाकडे डोळे लावून बसले आहेत. (Ganeshotsav 2022 shrikhand recipe)

गणेशोत्सवाची सुरुवात गणेश चतुर्थीपासून होते. या दिवशी गणेशभक्त बाप्पाची घरी स्थापना करतात आणि दहा दिवस त्याची मनोभावे पूजा करतात. दरम्यान, घरगुती गणपतीचे पाच दिवस घरोघरी अनेक गोड पदार्थ तयार केले जातात. यामध्ये गुलाबजाम, श्रीखंड-पुरी, रसमलाई, खीर असे अनेक पदार्थ त्याच्या नैवेद्यासाठी तयार केले जातात.

श्रीखंड हा गुजरात आणि महाराष्ट्रातील लोकप्रिय गोड पदार्थ आहे. अनेकजणांना हा पदार्थ खूप आवडतो. दही, साखर, वेलची आणि केशर घालून ही रेसिपी तयार बनवली जाते. कोणत्याही सणाला घरी आलेल्या पाहुण्यांनाही तुम्ही ही मिठाई देऊ शकता. तर याच श्रीखंडाची रेसिपी कशी तयार करावी हे आपण आज पाहणार आहोत.

श्रीखंड बनवण्यासाठी लागणारे साहित्य-

• 500 ग्रॅम घट्ट दही किंवा हँग दही

• 150 ग्रॅम आयसिंग साखर

• 3 ग्रॅम वेलची पावडर

• 5 ग्रॅम केशर

• 2 थेंब गुलाब पाणी

• 10 मिली (पर्यायी) दूध

• ड्रायफ्रुट्सचे तुकडे करा

श्रीखंड बनवण्याची पद्धत

श्रीखंड बनवण्यासाठी प्रथम केशर १० मिली दुधात भिजत टाका. यानंतर सर्व साहित्य एकत्र करून मिक्स करून एका भांड्यात ठेवा. आता नट आणि ड्रायफ्रुट्सने सजवा. तुमचे चविष्ट श्रीखंड तयार आहे. तुम्ही हे गणपतीला नैवद्य म्हणून चढवू शकतो. सध्या बाजारात अनेक वेगवेगळ्या प्रकारच्या फ्लेवरचे श्रीखंड मिळतात. मात्र ही रेसिपी वापरुन तुम्ही घरीच अगदी सोप्या पद्धतीने श्रीखंड बनवू शकता.