गणेशोत्सवात गणपती बाप्पाला मोदकांचा प्रसाद दाखवताना मुलांच्या आवडीचा देखील विचार करा आणि ट्राय करा तळलेले मोदक.

गणेशोत्सव 31 ऑगस्ट पासून सुरू होत आहे. सार्वजनिक गणेशोत्सव प्रमाणेच घरोघरी बाप्पाचे आगमन होते. काही लोकांकडे दहा दिवसांचा उत्सव असतो तर काही लोकांकडे पाच किंवा दीड दिवसाचा उत्सव असतो.

उत्सव कितीही दिवसांचा असला तरी बाप्पाला प्रिय असणाऱ्या मोदकांच्या प्रसादाशिवाय तो पूर्ण होत नाही. वेगवेगळ्या प्रकारचे मोदक बनवताना त्यात खास तळलेले मोदक तुम्ही बनवून पहा. चला तर मग जाणून घेऊ या कसे बनवायचे तळलेले मोदक

साहित्य:

● 200 ग्रॅम मैदा

● 200 ग्रॅम खोबरं किस

● 200 ग्रॅम पिठी साखर

● 1 लहान चमचा वेलची पावडर

● ड्राय फ्रूट्स स्वादानुसार

● 2 चमचे तेल मोहनसाठीतळण्यासाठी शुद्ध तूप

कृती:

मैद्यात मोहन घालून पाण्याने पीठ घट्ट मळून घ्या. खोबरं किस ,पिठी साखर , वेलची पावडर, ड्राय फ्रूट्स मिसळून घ्या. मैद्याच्या लहान-लहान लाट्या करा.

लहान पुर्‍या लाटा.

त्यात सारण भरून मोदकाचा आकार द्या.फ्राइंग पॅनमध्ये तूप गरम करा. मोदक हलके सोनेरी होयपर्यंत तळून घ्या.