गणेशोत्सवाच्या काळात अनेक घरात आवर्जून मिठाई बनवली जाते. यामध्ये काजू मालपुआ हा तुमच्यासाठी सर्वोत्तम पर्याय ठरू शकतो. हे बनवण्यासाठी तुम्हाला फक्त मैदा, काजू पीठ, रवा, साखर आणि दूध यासारख्या काही सामानाची आवश्यकता आहे. सणासुदीला बाजारातून मिठाई विकत घेण्याऐवजी तुमच्या मित्रपरिवारासाठी आणि घरच्यांसाठी ही मिठाई बनवू शकता. चला,तर मग ही टेस्टी मिठाई कशी बनवायची ते या लेखात सविस्तर जाणून घेऊयात..

साहित्य:

● एक वाटी मैदा

● अर्धा वाटी काजू पीठ

● दोन वाटी दूध

● तूप

● अर्धा वाटी रवा

● हिरवी वेलची पूड

● अर्धा वाटी पिठीसाखर

काजू मालपुआ बनवण्याची कृती:

एका मोठ्या भांड्यात सर्व मैदा, रवा, साखर, काजूचे पीठ आणि वेलची पूड घालून सर्व मिश्रण मिक्स करावे.

नंतर या मिश्रणात दूध घालुन पिठात चांगले एकजीव मिसळावे. इथे एक गोष्ट निट लक्षात घ्यावी गुठळ्या होऊ देऊ नकात.

नंतर हे मालपुआ तळण्यासाठी पॅनमध्ये थोडेसे देशी तूप गरम करा. आता गरम तुपाच्या मध्यभागी एक चमचा पिठ घालावे. कढईत तुपात टाकलेले पिठ हे गोल आकारात पसरवे. मालपुआ दोन्ही बाजूंनी सोनेरी तपकिरी रंगाचे होईपर्यंत तळा.तुम्ही मालपुआ जसेच्या तसे सर्व्ह करू शकता किंवा जर तुम्हाला ते गोड बनवायचे असतील तर ते साखरेच्या पाकात बुडवून घेऊ शकता.