सोलापूर : गौरी- गणपती सणासाठी (Ganesh Chaturthi) मिठाईचा बाजार फुलला आहे. कोरोनाचे (Covid-19) सावट गेल्याने बाजारात ग्राहकांचा उत्साह वाढलेला आहे. त्यामुळे उलाढालदेखील अधिक होणार आहे. खाद्यतेलाचे भाव मागील काही महिन्यांपासून वाढलेले आहेत. त्याचा परिणाम झाला आहे. साखरेचे भाव काही प्रमाणात वाढलेले आहेत. दुधाचे भाव आणि खव्याचे भावही वाढल्याने मिठाईचे दर वाढविण्याशिवाय मिठाई विक्रेत्यांसमोर पर्यायच राहिला नाही. गौरींसाठी मोठ्या प्रमाणात फराळाच्या पदार्थांची विक्री सुरू झाली आहे.

ठळक बाबी

• गणेशोत्सवासाठी मोदकांचे अनेक प्रकार उपलब्ध

• चॉकलेट मोदकाला मोठी मागणी

• अनारकली व चंद्रकला विशेष मिठाई

• गौरी सणासाठी गोडधोड पदार्थ तयार स्वरूपात उपलब्ध

• गुळाच्या पदार्थांचा वाढतोय ट्रेंड

आम्ही गुळापासून बनवलेल्या पदार्थांची पंरपरा जपली आहे. हे पदार्थ घेणारे ग्राहकदेखील वाढत आहेत. इतर मिठायांची मागणी यावर्षीच्या हंगामात वाढली आहे.

- चेतनकुमार नरखेडकर, काका हलवाई, सोलापूर