कोल्हापूर : कोल्हापुरात दरवर्षी विसर्जन मिरवणूक थाटात निघते. मात्र गेली दोन वर्षे कोरोना नियमांचे पालन करत कोल्हापुरात मंडळांकडून मूर्ती विसर्जन साध्या पध्दतीने होते आहे. आतापर्यत इराणी खणीत मंडळाच्या मूर्ती 378 तर घरगुती मूर्ती 435 विर्सजीत झाल्या आहेत.

आज सकाळी छत्रपती शिवाजी महाराज चौक तरुण मंडळाच्या 21 फुटी गणेश मूर्ती विसर्जनावेळी पोलीस कार्यकर्त्यांत बाचाबाची झाली. तसेच कायम गजबजेला महाव्दार रोड आज सूनासूना होता. पंचगंगा घाटावर ही निरव शांतता पाहायला मिळाली. पोलीसांच्या कडेकोड बंदोबस्तात इराणी खणीमध्ये मूर्तीचे विसर्जन केले जात आहे. यावेळी खणीला पोलिस छावणीचे स्वरूप प्राप्त झाले आहे. इराणी खणीच्या प्रवेशाच्या ठिकाणी आणि आतील बाजूस दोन मंडप उभारण्यात आले आहेत. आवश्यक त्या ठिकाणी कार्यकर्त्यांना सूचना दिल्या जात होत्या. (फोटो - बी.डी.चेचर, मोहन मेस्त्री, नितीन जाधव)