पुणे : जुन्या नाण्यांपासून ते देशोदेशीच्या टपाल तिकीटांचा संग्रह करणारे संग्राहक आपण नक्कीच पाहिले असतील. पण पुण्यातील एका अवलियाने चक्क देशोदेशीच्या ६०० दुर्मिळ गणेशमुर्तींचा संग्रह केला आहे. आपला खासगी व्यवसाय सांभाळत देवदत्त गोपाळ अनगळ यांनी गौरीनंदनाच्या प्रेमातून अमेरिकेपासून ते थायलंड पर्यंतच्या गणेश मूर्ती जमविल्या आहेत.

चतुर्शुंगी देवस्थानच्या विश्वस्तांपैकी एक असलेले अनगळ मागील ५० वर्षांपासून हा छंद श्रद्धेने जोपासत आहे. ते म्हणतात, ‘‘गजाननावर माझी अपार श्रद्धा आहे. मला इतरही दुर्मिळ वस्तूंचा संग्रह करण्याची छंद आहे. पण जेंव्हा मला दोन अनोख्या गणेश मुर्ती हाती लागल्या. तेव्हापासून मी श्रींच्या मूर्तीच्या संग्रह करायला सुरवात केली.’’चतुर्शुंगी देवस्थानच्या विश्वस्तांपैकी एक असलेले अनगळ मागील ५० वर्षांपासून हा छंद श्रद्धेने जोपासत आहे. ते म्हणतात, ‘‘गजाननावर माझी अपार श्रद्धा आहे. मला इतरही दुर्मिळ वस्तूंचा संग्रह करण्याची छंद आहे. पण जेंव्हा मला दोन अनोख्या गणेश मुर्ती हाती लागल्या. तेव्हापासून मी श्रींच्या मूर्तीच्या संग्रह करायला सुरवात केली.’’ सेनापती बापट रस्त्यावरील त्यांच्या कार्यालयात या सर्व मुर्ती सध्या ठेवलेल्या आहेत. तसेच दर वर्षी चतुर्शुंगी देवस्थानमध्ये या मूर्तीच प्रदर्शन भरविण्यात येते. परंतु कोरोनामुळे मागील तीन वर्षांपासून हे प्रदर्शन भरले नाही. या मूर्तींचे पुण्यातच संग्रहालय बनावे, अशी इच्छा ८२ वर्षांच्या या स्वच्छंदी तरुणाने व्यक्त केली आहे.