Afganistan Attack : अफगाणिस्तानची राजधानी काबुलमध्ये रविवारी मोठा बॉम्बस्फोट झाला. या घटनेने संपूर्ण देश हादरुन गेला आहे. स्फोटाच्या घटनेत आतापर्यंत १० जणांचा मृत्यू झाल्याचं सांगितलं जात आहे.

आज रविवारी हा स्फोट झाला. १० मृत्यू आणि ८ लोख जखमी झाल्याचं सांगण्यात येत आहे. हा हल्ला अफगाणिस्तान सैन्य दलाच्या हवाई तळावर झाला आहे. मंत्रालय प्रवक्ते अब्दुल नाफी टाकोर यांनी सांगितलं की, जिथं हा हल्ला झाला तिथं काबुलचं आंतरराष्ट्रीय विमानतळ असून या स्फोटाचं कारण समजलेलं नाही.

टाकोर यांनी सांगितल्यानुसार, या स्फोटात १० जणांचा मृत्यू झाला आहे. तपास अधिकारी या प्रकरणाची कसून चौकशी करीत आहेत. काबुलमधील या हल्ल्याने देशामध्ये भीतीचं वातावरण पसरलं आहे.

ऑगस्ट २०२१मध्ये तालिबानने अफगाणिस्तानची सत्ता काबीज केली. त्यानंतर देशाच्या सुरक्षेत वाढ केल्याचं एका अधिकाऱ्याने सांगितलं. परंतु नवीन सत्तास्थापनेनंतर देशामध्ये स्फोट आणि हल्ले झालेले आहेत.

काबुलवर आज झालेल्या बॉम्बस्फोटाची जबाबदारी इस्लामिक स्टेट ग्रुपच्या सदस्यांनी घेतली आहे. मागच्या महिन्यात काबुलमधील एका हॉटेलवर हल्लेखोरांनी अंधाधुंद गोळीबार केल्याची घटना घडली होती. यामध्ये ५ चिनी नागरीक जखमी झाले होते. ज्या हॉटेलमध्ये हल्ला ते चिनी लोक थांबण्याचा ठिकाण होतं.