Pakistan Peshawar Mosque Bomb Blast : पाकिस्तानमधील पेशावर येथे मशिदीमध्ये बॉम्बस्फोट झाल्याची घटना घडली. यामध्ये जवळपास ३० जणांचा मृत्यू झाला असून ५० जण जखमी आहेत. याबाबत एएनआयने स्थानिक माध्यमांच्या हवाल्यानं हे वृत्त दिलं आहे.

पाकिस्तानमधील पेशावर येथे आज सकाळी मशिदीमध्ये नमाज पठण सुरू होते. त्यामुळे गर्दी होती. याचवेळी अचानक बॉम्बस्फोट झाला. त्यामुळे चेंगराचेंगरी देखील झाली. यामध्ये ३० जणांचा मृत्यू झाला असून ५० जण जखमी आहेत. तसेच १० जणांची प्रकृती गंभीर असल्याचं पेशवारच्या रिडींग रुग्णालयाचे प्रवक्ते असीम खान म्हणाले.

आत्मघातकी हल्ला? -

जखमींना रुग्णालयात हलवण्यात आले आहे. तसेच याप्रकरणाची कठोर चौकशी करणार आहोत. प्रथमदर्शनी हा आत्मघाती हल्ला होता, असे दिसते, असे एका पोलिस अधिकाऱ्यांनी स्थानिक माध्यमांना सांगितले.