लाहोर: पाकिस्तानातील लाहोरमध्ये दाता दरबार मशीदीजवळ झालेल्या बॉम्बस्फोटात पाचजण ठार तर 24 जण जखमी झाल्याची घटना आज (ता.08) बुधवारी सकाळी घडली आहे. जखमी 24 जणांमधील 08 जणांची परिस्थिती गंभीर असून त्यांना पुढील उपचारासाठी मायो हॉस्पिटलला दाखल करण्यात आले आहे. पाकिस्तानमधील लाहोरच्या दाता दरबारी मशिदीजवळ आत्मघातकी बॉम्बस्फोट झाला.
पोलिस अधिक्षक सय्यद शाह यांनी दिलेल्या माहितीनुसार, 24 पैकी 08 जणांची परिस्थीती अत्यंत गंभीर आहे. परिसरात बचावकार्य चालू असून या भागात पोलिस तैनात करण्यात आले आहेत. पुढील तपास पोलिस करत असून बॉम्बहल्ला कोणी केला आहे याचा तपास लागलेला नाही.
मृतांमध्ये सैन्याच्या 3 अधिकाऱ्यांचाही समावेश असल्याची माहिती लाहोरचे पोलिस महासंचालक अशफाक अहमद खान यांनी दिली. मृतांची संख्या वाढण्याची शक्यता आहे. हा बॉम्बस्फोट मशिदीच्या गेट क्रमांक 2 च्या जवळील एका गाडीजवळ झाला. मशिदीजवळील पोलिसांची गाडी उडवण्यासाठी हा स्फोट केल्याचा संशय पोलिसांनी व्यक्त केला आहे. दाता दरबार मशिद पाकिस्तानमधील सर्वाधिक गर्दी असलेल्या मशिदींपैकी एक आहे. हा आत्मघातकी स्फोट असल्याची शक्यता पोलिसांनी वर्तवली आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.