अमेरिकेच्या Colorado Springs नाईट क्लबमध्ये रविवारी गोळीबार झाला. यामध्ये 23 जणांना गोळ्या लागल्या असून, यामध्ये 5 जणांचा मृत्यू झाला आहे. मीडिया रिपोर्ट्सनुसार, शनिवारी रात्री कोलोरॅडो स्प्रिंग्समधील नाईट क्लबमध्ये एका बंदुकधारी व्यक्तीने अचानक गोळीबार सुरू केला.

या प्रकरणाचे अनेक व्हिडिओ सोशल मीडियावर व्हायरल होत आहेत. या व्हिडिओंमध्ये, क्लब क्यू बाहेरील रस्त्यावर मोठ्या प्रमाणात पोलिस तैनात आणि रुग्णवाहिका दिसत आहेत. या घटनेत अनेकांना गोळ्या लागल्या असून अनेकांचा मृत्यू झाल्याचे प्रत्यक्षदर्शींचे म्हणणे आहे. क्‍लब क्यू - जिथे ही घटना घडली, तो गे आणि लेस्बियन नाईटक्लब असल्याचे सांगितले जात आहे.