वॉशिग्टन : सख्ख्या बहिणीने माझ्यावर वारंवार बलात्कार केला असा गौप्यस्फोट अमेरिकेचा प्रसिद्ध पॉप सिंगर एरॉन कार्टरने केला आहे. सोशल मीडियाच्या माध्यमातून त्याने ट्विटरवर हा धक्कादायक खुलासा केला आहे.

एरॉन कार्टर म्हणतो 'माझी बहीण लेस्ली हिला दुभंगलेल्या व्यक्तिमत्त्वाचा (बायपोलर) मानसिक आजार होता. आजारावर मात करण्यासाठी तिला लिथियमचे औषध दिले जात होते. या औषधोपचारांचा तिला खूप राग येत होता. जेव्हा ती औषधं घ्यायची नाही तेव्हा ती अशा गोष्टी करायची ज्या तिच्याकडून कधीच अपेक्षित नव्हत्या, असे एरॉनने म्हटलं आहे.
 

एरॉनने बहिणीबाबत हा धक्कादायक खुलासा केला असतानाच त्याचा भाऊ निकनेही एरॉनवर गंभीर आरोप केले आहेत. एरॉन हा माझ्या गर्भवती पत्नीला व मुलांना ठार मारण्याचा कट रचत आहे आणि त्याच्या भीतीने मी पोलिस संरक्षण मागितले आहे असं निकने म्हटलं आहे.

 

दरम्यान, एरॉनची बहीण लेस्ली कार्टरचा अंमली पदार्थाच्या अतिसेवनामुळे 2012 साली मृत्यू झाला. एरॉन दहा वर्षांचा असताना लेस्लीने त्याच्यावर बलात्कार केल्याचं म्हटलं आहे. वयाच्या तेराव्या वर्षांपर्यंत माझ्यावर लैंगिक अत्याचार झाल्याचं त्याने सांगितलं आहे.