प्रौढ खेळण्यांसाठी जगात मोठी बाजारपेठ आहे. ही खेळणी खुलेआम विकली जात नसली तरी इतर गोष्टींप्रमाणे त्यांनाही जाहिरातीची गरज आहे. या बाहुल्यांचे चेहरे बनवणे हे निर्मात्यांसाठी मोठे आव्हान आहे. कारण, कोणत्याही महिलेचा चेहरा परवानगीशिवाय वापरता येत नाही. मात्र, काही निर्मात्यांनी हे कृत्य केल्यावर महिलेने त्यावर तीव्र आक्षेप घेत तक्रार नोंदवली आहे.

सेक्स डॉल कंपनीने महिलेच्या परवानगीशिवाय चेहरा सेक्स डॉलसाठी वापरल्याची तक्रार इंस्टाग्राम अकाउंटवर केली आहे. इस्राईल संरक्षण दलाची माजी सैनिक येल कोहेन एरिस (२५) ही सोशल मीडियावर खूप प्रसिद्ध आहे. तसेच तिचे लाखो फॉलोअर्स आहेत. तिने इंस्टाग्राम पोस्टमध्ये लिहिले की, ‘मला कळले की एका मोठ्या कंपनीने माझ्या परवानगीशिवाय किंवा माझ्या नकळत माझ्यासारखी सेक्स डॉल बनवली आहे.’ हा कोणत्याही प्रकारचा मजाक नाही तर सत्य आहे.

कंपनीने या बाहुलीचे नाव ‘येल’ ठेवले आहे. या प्रकारामुळे मला धक्का बसला आहे. काय करावे हे समजत नाही आहे. मी हे तुमच्यासोबत शेअर करीत आहे. एवढेच नाही तर कंपनीने येलच्या ओठाखाली बनवलेल्या बर्थमार्कचीही कॉपी केली आहे. येल कोहेन एरिस कंपनीविरुद्ध कायदेशीर कारवाई करण्याचा विचार करीत आहे.

याबद्दल कळले तेव्हा मला धक्काच बसला. कारण, डॉलचा चेहरा खूप ओळखीचा होता. तरीही याकडे फारसे लक्ष दिले नाही. मात्र, टीव्हीवर आल्याने संतापलेल्या येलने कंपनीशी संपर्क साधला आणि बाहुलीला हटवण्याची मागणी केली. आता कायदेशीर कारवाईचाही विचार करीत असल्याचे ‘डेली स्टार’शी बोलताना येल म्हणाली.