AFGHAN 
ग्लोबल

VIDEO: तालिबानकडून पोलीस प्रमुखाची भररस्त्यात हत्या

कार्तिक पुजारी

एका अफगाण पोलीस प्रमुखाला तालिबान्यांनी अत्यंत क्रूरपणे मारलं आहे. हत्येचा व्हिडिओ ट्विटरवर व्हायरल होत आहे

काबूल- एका अफगाण पोलीस प्रमुखाला तालिबान्यांनी अत्यंत क्रूरपणे मारलं आहे. हत्येचा व्हिडिओ ट्विटरवर व्हायरल होत आहे. एका अमेरिकी पत्रकाराने व्हिडिओ ट्विट करत उपाहासात्मक टिप्पणी केलीये, 'ही त्यांची सार्वजनिक माफी आहे'. ट्विटरवर व्हायरल होणाऱ्या या व्हिडिओमध्ये हाजी मुल्ला अचकजई यांना दाखवण्यात आलं आहे. ते हैरातच्या बगदीस प्रांतात पोलिसांचे नेतृत्व करत होते. न्यू यॉर्क टाईम्सच्या न्यूजनुसार, व्हिडिओमध्ये दिसणाऱ्या व्यक्तीच्या डोळ्यावर पट्टी बांधण्यात आली आहे. गुढघे टेकून बसलेल्या या व्यक्तीवर गोळ्या चालवण्यात आल्या. त्याच्या मृत शरिरावरही दया दाखवण्यात आली नाही. (Afghanistan Latest News)

अफगाण सरकारी अधिकाऱ्यांसाठी तालिबानकडून शुक्रवारी सार्वजनिक माफी जाहीर करण्यात आली आहे. त्यानंतर हा व्हिडिओ समोर आला आहे. त्यामुळे तालिबान्यांचे बोलणे आणि करणे यात फरत असल्याचं दिसून येतंय. तालिबानने महिलांसह सर्व सरकारी अधिकारी आणि कर्मचाऱ्यांना कामावर परत येण्यास सांगितलं आहे. पण, तालिबान्यांच्या मनात काय चालू आहे, हे निश्चित कुणालाही सांगता येत नाही. त्यामुळे सरकारी कर्मचाऱ्यांमध्ये भीतीचे वातावरण आहे.

दहशतवादी संघटना तालिबानशी संबंधित नेटवर्कच्या माध्यमातून व्हिडिओ शेअर करण्यात आला आहे. अफगान सुरक्षा सल्लागार नासिर वजीरी, अचकजई यांना व्यक्तिगत ओळखत होते. त्यांनी न्यूजवीकला सांगितलं की , या व्हिडिओ क्लिपची पोलीस अधिकारी आणि सरकारी अधिकाऱ्यांकडून सत्यता पडताळण्यात आली आहे. दरम्यान, तालिबानने पश्चिम अफगाणिस्तानच्या फराह प्रांतातील 340 राजकीय कैद्यांची सुटका केली आहे.

अफगाणिस्तान अत्यंत भीषण अशा परिस्थितीतून जात आहे. तालिबान नियंत्रणातील प्रदेशातून नागरिक पळून जाण्याचा प्रयत्न करत आहेत. तालिबान्यांकडून होणाऱ्या अत्याचारांची त्यांना भीती आहे. तालिबान्यांपासून वाचण्यासाठी अफगाण नागरिक काबुलमधील विमानतळावर जमा होत आहेत. हे विमानतळ सध्या अमेरिकी सैनिकांच्या ताब्यात आहे. त्यामुळे अनेकांनी विमानतळाकडे धाव घेतली आहे. पण, तालिबान्यांनी त्यांच्या मार्गात अनेक अडथळे निर्माण केल्याची माहिती आहे. अफगाणिस्तानमधील स्थिती दिवसेंदिवस बिघडत आहे.

सकाळ+ चे सदस्य व्हा

ब्रेक घ्या, डोकं चालवा, कोडे सोडवा!

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.

ESIC New Rules 2026 : कर्मचाऱ्यांसाठी मोठी बातमी! आजारपण आणि प्रसूती लाभांसाठी अर्जाची गरज नाही; पैसे थेट बँक खात्यात जमा होणार

Gadchiroli History: गडचिरोलीच्या घनदाट जंगलात इतिहासाचा खजिना! १६व्या-१७व्या शतकातील ५० वीरगळांचा शोध, शूरवीरांच्या पराक्रमाची शिल्पे उजेडात

IND A vs PAK A: भारत पाकिस्तान सामन्यात टॉसवेळी नेमकं काय घडलं? होत, मॅच रेफ्रींच्या चुकीमुळे वाद, पाकिस्तानी चाहत्यांनी केले आरोप

Water Security 2051 : पुणे महानगर प्रदेशाच्या पाणीपुरवठ्याचे दीर्घकालीन नियोजन; जलसंपदा विभागाचा २०५१ पर्यंतचा जलसुरक्षा आराखडा तयार होणार

Palodwadi Robbery: पालोदवाडीत चार चोरट्यांचा धुमाकूळ; चार घरांवर दरोडा, महिलांच्या गळ्याला चाकू लावून ३.३२ लाखांचा ऐवज लुटला

SCROLL FOR NEXT