बाल्टिमोर - आपण एकत्र येऊन कोरोना संसर्गावर मात करु, असा विश्‍वास अध्यक्ष डोनाल्ड ट्रम्प यांनी व्यक्त केला. मेमोरियल डेनिमित्त सोमवारी आयोजित अभिवादन कार्यक्रमात ट्रम्प बोलत होते. या वेळी त्यांनी अमेरिकेतील हुतात्मा सैनिकांना आदरांजली वाहिली.

ताज्या बातम्यांसाठी डाऊनलोड करा ई-सकाळचे ऍप

बाल्टिमोर येथील ऐतिहासिक किल्ला मॅकहेन्री येथील कार्यक्रमात अध्यक्ष डोनाल्ड ट्रम्प यांची प्रमुख उपस्थिती होती. यावेळी बोलताना ट्रम्प म्हणाले, की आपण सर्वजण मिळून कोरोना संसर्गावर मात करु आणि अमेरिका या संकटातूनच निश्‍चितच बाहेर येईल. अमेरिकेच्या प्रयत्नात कोणताच अडथळा किंवा आव्हाने येणार नाहीत, असेही ते म्हणाले. तत्पूर्वी ट्रम्प यांनी आर्लिंगटन नॅशनल सिमेंट्री येथे देशातील हुतात्म्यांना अभिवादन केले. याठिकाणी येणाऱ्या नागरिकांनी मास्क घातला होता. परंतु आदरांजलीचा  कार्यक्रम मोकळ्या मैदानावर असल्याने त्यांनी मास्क काढून टाकले. त्यानंतर नागरिकांनी हुतात्मा सैनिकांच्या स्मारकास अभिवादन केले.  ट्रम्प यांनी नेहमीप्रमाणे सार्वजनिक कार्यक्रमात मास्क घातलेले नव्हते.  तसेच त्यांनी भाष्य केले नाही. त्यानंतर ते बाल्टिमोर येथील मॅकेन्री किल्ल्याकडे रवाना झाले.

डिजिटल युआन आणण्याची चीनची तयारी 

महापौराची दौऱ्यावर टीका
यादरम्यान बाल्टिमोरचे महापौर आणि डेमोक्रॅटिक पक्षाचे सदस्य बर्नार्ड सी जॅक यंग यांनी कोरोना संसर्गाच्या काळात अध्यक्षांनी केलेल्या दौऱ्यावर टीका केली आहे. सध्याच्या काळात हा दौरा अनावश्‍यक होता आणि हे एक आदर्श उदाहरण ठरु शकत नाही, असे यंग म्हणाले. अमेरिकेच्या जॉन्स हॉपकिन्स यूनिर्व्हसिटीने दिलेल्या आकडेवारीनुसार, अमेरिकेत सोमवारी दुपारपर्यंत १६.५ लाख जणांना कोविड-१९ ची बाधा झाली असून त्यात ९ हजारांहून अधिक नागरिकांचा मृत्यू झाला आहे.