वॉशिंग्टन - अमेरिकेत वर्णद्वेषाचा मुद्दा सातत्याने चर्चेत असतो. काही महिन्यांपूर्वी पोलिसांच्या हल्ल्यात लाइव्ह क्लॉइडचा मृत्यू झाल्यानंतर वर्णद्वेषाविरोधात मोठं आंदोलन उभा राहिलं होतं. त्यानंतर जाळपोळीचे प्रकारही घडले होते. दरम्यान, आता कुमार मंगलम बिर्ला यांची कन्या अनन्या यांच्यासह कुटुंबाला वर्णद्वेषाला सामोरं जावं लागलं आहे. त्यांनी ट्विटरवरून संबंधित रेस्टॉरंटमधील हा वेदनादायी अनुभव शेअर केला आहे.
अनन्या बिर्ला यांनी ट्विटरवर म्हटलं की, आम्ही अमेरिकेतील हॉटेलमध्ये गेलो असताना तिथल्या हॉटेलनं अक्षरश: आम्हाला हाकलून दिलं. इटालियन रूटस् या रेस्टॉरंटने मला आणि माझ्या कुटुंबीयांना परिसरातून हाकलले. हे खूप वेदनादायी आहे. तुम्ही तुमच्या ग्राहकांसोबत योग्य पद्धतीनं वागायला हवं असंही अनन्या यांनी म्हटलं.
रेस्टॉरंटमध्ये वर्णभेदाची शिकार व्हावं लागल्याचा अनुभव अनन्या यांच्यासह आर्यमान बिर्ला यांनीही सांगितल आहे. अनन्या बिर्ला यांनी म्हटलं की, रेस्टॉरंटच्या परिसरात आम्हाला थांबूही दिलं नाही. तसंच जेवण्यासाठी तीन तास ताटकळत रहावं लागलं. त्यानंतरही आम्ही थांबलो होतो.
अनन्या आणि नीरजा यांनी ट्विटरवरून हा वाईट अनुभव सांगितला. त्यानंतर निरजा बिर्ला यांनीही हे धक्कादायक असल्याचं म्हटलं आहे. रेस्टॉरंटने अत्यंत वाईट असं कृत्य केलं आहे. ग्राहकांसोबत असं वागण्याचा अधिकार तुम्हाला नाही असंही नीरजा बिर्ला यांनी म्हटलं.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.