लंडन - हिमयुगानंतर, म्हणजे सुमारे ११ हजार वर्षांपूर्वी कुत्र्याच्या किमान पाच प्रजाती अस्तित्वात होत्या, असे पुरातत्वशास्त्रज्ञांच्या एका आंतरराष्ट्रीय पथकाने केलेल्या अभ्यासातून दिसून आले आहे. यामुळे मानवाचा सर्वांत जुना मित्र असलेल्या कुत्र्याच्या सध्या अस्तित्वात असलेल्या अनेक प्रजातींचे मूळ शोधण्यास मदत होणार आहे. 

ताज्या बातम्यांसाठी डाऊनलोड करा ई-सकाळचे ऍप

याबाबतचा अभ्यास ‘सायन्स’ या नियतकालिकात प्रसिद्ध करण्यात आला आहे. तज्ज्ञांच्या पथकाने २७ कुत्र्यांच्या अवशेषांमधून डीएनए वेगळा काढून त्याचा अभ्यास केला. यातील काही डीएनए ११ हजार वर्षे जुने असल्याचे त्यांना आढळून आले. हे कुत्रे युरोप आणि सायबेरिया या परिसरात वावरत होते. इतक्या प्राचीन काळात इतर कोणताही प्राणी मानवाने माणसाळलेला नसताना कुत्र्यांच्या किमान पाच प्रजातींनी मानवाशी मैत्री केली होती. मानव ज्यावेळी केवळ शिकारी होता आणि भटक्या होता, त्यावेळी या कुत्र्यांच्या प्रजाती विकसीत झाल्या होत्या, असा तज्ज्ञांचा अंदाज आहे. युरोपमध्ये सुमारे चार ते पाच हजार वर्षांपूर्वी विविध जातींचे कुत्रे होते. सध्याही अनेक आकाराचे कुत्रे दिसत असले तरी त्यातील अनेकांचे वंशज एकच आहेत. 

जगभरातील इतर बातम्या वाचण्यासाठी येथे क्लिक करा

तुम्ही येता जाता रस्त्याने जे विविध प्रकारचे कुत्रे पाहता, त्यातील काहींचे पूर्वज हिमयुगात वावरत होते. हिमयुगानंतर काही वर्षांतच कुत्रा हा प्राणी उत्तर गोलार्धात पसरला होता. 
- पाँटस स्कोग्लंड, अभ्यासक, फ्रान्सिस क्रिक इन्स्टिट्यूट

देशभरातील इतर बातम्या वाचण्यासाठी येथे क्लिक करा