ऑस्ट्रेलियाचे (Australia) उपपंतप्रधान (Deputy Prime Minister) बर्नाबी जॉयस (Barnaby Joyce) हे वॉशिंग्टनमध्ये (Washington) कोरोना पॉझिटिव्ह (Covid-19 Positice) आले आहेत. ते अधिकृत दौऱ्यावर येथे आले होते. मात्र, त्यांच्या उर्वरित कर्मचाऱ्यांचा कोरोना चाचणीचा अहवाल मात्र निगेटिव्ह आला आहे. बर्नाबी जॉयस यांच्या कार्यालयातून जारी करण्यात आलेल्या निवेदनात ही माहिती देण्यात आली आहे.

निवेदनात म्हटले आहे, की बर्नाबी जॉयस यांना आयसोलेशनमध्ये ठेवण्यात आले आहे. तर त्यांच्या कर्मचाऱ्यांचे इतर सदस्य कोरोना निगेटिव्ह आढळले आहेत. जॉयस यांच्यामध्ये कोरोनाची सौम्य लक्षणे होती. त्यानंतर त्यांची कोरोना चाचणी झाली. त्याचा अहवाल पॉझिटिव्ह आला.

बर्नाबी जॉयस हे पहिले मोठे ऑस्ट्रेलियन नेते आहेत. बर्नाबी जॉयस हे मंगळवारीच अमेरिकेच्या दौऱ्यावर आले आहेत. ते ब्रिटनमधून अमेरिकेच्या दौऱ्यावर आले होते. वॉशिंग्टनमध्ये त्यांनी अमेरिकेच्या वरिष्ठ अधिकाऱ्यांचीही भेट घेतली.

कोरोनाचा कहर सुरूच

कोरोनाचा कहर अजून संपलेला नाही. युरोपातील अनेक देश अजूनही कोरोनाच्या लाटेचा सामना करत आहेत. कोरोनाचे नवीन व्हेरिएंट Omicron ने दक्षिण आफ्रिका, अमेरिका, UK, भारत आणि रशियासह जगातील 40 देशांमध्ये पोचला आहे. एकट्या ब्रिटनमध्ये ओमिक्रॉनची 300 हून अधिक प्रकरणे नोंदवली गेली आहेत. अलीकडेच ब्रिटनच्या आरोग्यमंत्र्यांनी संसदेत इंग्लंडच्या अनेक भागात पसरलेल्या ओमिक्रॉनचा कम्युनिटी स्प्रेड झाल्याचे स्वीकारले आहे.