ढाका : डेंग्यूनं बांगलादेशमध्ये मोठं थैमान झातल्याचं चित्र आहे. डेंग्यूच्या तापामुळं तब्बल १००० जणांचा मृत्यू झाल्याची बातमी समोर आली आहे. गेल्यावर्षीच्या तुलनेत चारपट अधिक मृत्यू यावर्षी झाल्याचं सांगितलं जात आहे. एएनआयनं याबाबत वृत्त दिलं आहे. (Bangladesh dengue outbreak: Death toll crosses 1000)

बांगलादेशमधील अधिकृत माहितीनुसार, या वर्षी कमीत कमी १०१७ लोकांचा पहिल्या नऊ महिन्यात मृत्यू झाला. तर २,०९,००० लोकांना या आजाराची लागण झाली. सन २००० आलेल्या डेंग्यूच्या महामारीनंतर यंदा त्यानं सर्वाधिक थैमान घातलं आहे. यंदा मृत्यू झालेल्यांमध्ये १५ वर्षीय ११२ मुलांचा मृत्यू झाला आहे, यामध्ये नवजात बालकांचाही समावेश आहे.

या देशातील रुग्णालयांमध्ये डेंग्युच्या आजाराच्या रुग्णांवर उपाचारांसाठी बेडही कमी पडत आहेत. इथं येणारे रुग्ण ताप, डोकेदुखी, उलटी, मळमळ, स्थायूंचं दुखणं आणि इतर गंभीर लक्षण तसेच रक्तस्राव ज्यामुळं लोकांचे मृत्यू झाले आहेत. (Latest Marathi News)

दरम्यान, जागतीक आरोग्य संघटनेनं देखील डासांच्या प्रादुर्भावामुळं होणाऱ्या आजारांपासून बचावासाठी काळजी घेण्याचं आवाहन केलं आहे. वातावारणातील बदलांमुळं चिकनगुनिया, येलो फिवर, झिका हे आजार होत आहेत. (Marathi Tajya Batmya)

अद्याप डेंग्यू या आजारावर लस आलेली नाही. पण हा आजार दक्षिण आशियात जून ते सप्टेंबर महिन्यात हा आज सर्वसाधारणे पसरतो. पावसाळ्यात ठिकठिकाणी पाणी साचून राहतं आणि साठलेल्या पाण्यात डासांची पैदास झाल्यानं हे आजार होतात.

बांगलादेशात सन १९६० पासून डेंग्यूच्या विक्रमी केसेस नोंदवल्या जात आहेत. पण सन २००० मध्ये यानं उच्चांक गाठला होता. त्यावेळी लोकांमध्ये गंभीर स्वरुपाची जीवघेणी लक्षण आढळून आली होती. त्यामुळं आता पुन्हा एकदा दशकानंतर अशीच परिस्थीती निर्माण झाली आहे.