कॅनडाचे पंतप्रधान जस्टिन ट्रुडो यांना त्यांचे निवासस्थान सोडून पळून जाण्याची वेळ आली आहे. कॅनडाची राजधानी ओटावातीला पंतप्रधानांच्या निवासस्थानाला ५० हजार ट्रक चालकांनी २० हजार ट्रकच्या सहाय्याने घेरलं आहे. त्यामुळे पंतप्रधानांचे कुटुंबिय गुप्त ठिकाणी लपण्यासाठी गेलं आहे. देशात कोरोना लस बंधनकारक केल्यानं आणि कोरोना लॉकडाऊनच्या निषेधार्थ ट्रक चालक आक्रमक झाले आहेत. ट्रक चालकांनी त्यांच्या ७० किमी लांब अशा ताफ्याला Freedom Convoy असं नाव दिलं आहे.

शनिवारी हजारोंच्या संख्येनं ओटावामध्ये एकत्र आलेल्या ट्रकचालकांनी अमेरिकेची सीमा ओलांडण्यासाठी लसीकरण बंधनकारक करण्याच्या निर्णयाचा विरोध केला. याआधी कॅनडाचे पंतप्रधान जस्टिन ट्रुडो यांनी वादग्रस्त वक्तव्य केलं होतं. त्यांनी ट्रक चालकांना महत्त्वाचे नसलेले अल्पसंख्यांक असं म्हटलं होतं. यामुळे संतापलेल्या ट्रक चालकांनी राजधानीकडे आपला मोर्चा वळवला आहे.

दरम्यान, ट्रक चालकांना जगातील सर्वात श्रीमंत व्यक्ती एलन मस्क यांचाही पाठिंबा मिळाला आहे. ट्रक चालकांकडून कॅनडाचे झेंडे फडकावले जात असून स्वातंत्र्याची मागणी केली जात आहे. तसंच जस्टिन ट्रुडो यांच्याविरोधात जोरदार घोषणाबाजीही केली जात आहे. ट्रक चालकांना इतरांचाही पाठिंबा असून कोरोनाच्या पार्श्वभूमीवर लागू करण्यात आलेल्या निर्बंधांविरोधात आवाज उठवला जात आहे.