बीजिंग - चंद्रावरील मातीचे नमुने पृथ्वीवर आणण्यासाठी चीनने आज मानवविरहित अवकाशमोहिम राबविताना चंद्राकडे अवकाशयान सोडले. अशा प्रकारची चीनही ही पहिलीच मोहिम आहे. चीनच्या ‘लाँग मार्च -५’ या प्रक्षेपकाद्वारे ‘चँगई-५’ हे यान वेनचँग प्रक्षेपण केंद्रावरून अवकाशात सोडले गेले. चीनची ही आतापर्यंतची सर्वांत गुंतागुंतीची अवकाशमोहिम असून चंद्रावरून नमुने आणण्यासाठीही गेल्या ४० वर्षातील पहिलीच मोहिम आहे.

- ताज्या बातम्यांसाठी डाऊनलोड करा ई-सकाळचे ऍप

- पुण्याच्या बातम्या वाचण्यासाठी येथे ► क्लिक करा

उद्दिष्ट्ये

• चंद्राच्या उत्पत्ती, निर्मितीचा आणि भौगोलिक घटनांचा अभ्यास करणे
• उड्डाण - २४ नोव्हेंबर
• यान परतणार - डिसेंबरमध्ये

‘चँगई-५’ बद्दल

• ऑर्बायटर(चंद्राभोवतील फिरणारे छोटे यान), लँडर, असेंडर आणि रिटर्नर यांचा समावेश
• ८.२ टन - एकूण वजन
• २० दिवस - एकूण मोहिम कालावधी

अशी असेल मोहीम

• चांद्रकक्षेत प्रवेश केल्यावर लँडर आणि असेंडर हे ऑर्बिटर आणि रिटर्नर पासून वेगळे होतील. 
• ऑर्बिटर आणि रिटर्नर चंद्राच्या पृष्ठभागापासून दोनशे किमी वर परिभ्रमण करतील
• लँडर आणि असेंडर हे चंद्राच्या ईशान्य भागात ओशनस प्रोसिलॅरम येथे उतरतील
• यानंतर ४८ तासांनी रोबोटिक हात बाहेर येऊन मातीचे नमुने, खडे गोळा करेल
• जमिनीत छिद्रही पाडले जाईल
• दोन किलो वजनाचे नमुने गोळा करणे अपेक्षित
• असेंडर उड्डाण करून ऑर्बिटर आणि रिटर्नरला जोडले जाईल
• नमुने रिटर्नरकडे दिल्यावर असेंडर पुन्हा वेगळे होईल
• योग्य वेळी ऑर्बिटर आणि रिटर्नर पृथ्वीच्या दिशेने झेपावतील
• चीनमधील इनर मंगोलिया स्वायत्त प्रदेशात लँडिंग

Edited By - Prashant Patil