बीजिंग (चीन): चीनमधून जगभरात पसरलेल्या कोरोना व्हायरसने धुमाकूळ घातला आहे. चीनने कोरोना व्हायरसवर विजय मिळविल्यानंतर आनंदोत्सव साजरा केला जात असून, नागरिकांनी कुत्रा, मांजर आणि वटवाघूळाच्या मांसासाठी गर्दी केल्याचे वृत्त प्रसारमाध्यमांनी दिले आहे.
डेली मेलने दिलेल्या वृत्तानुसार, चीनमध्ये कोरोनावर विजय मिळविल्याबद्दल शनिवारी (ता. 28) आनंद साजरा करण्यात आला. यादरम्यान कुत्रा, मांजर, ससा, वटवाघूळ आणि बदकाच्या मांसाचे सेवन करण्यात आले. चीनच्या दक्षिण पश्चिम भागात गुइलिन परिसरात हजारो नागरिक मटन मार्केट पोहोचले आणि तेथे त्यांनी खुल्या अवस्थेच विक्री केले जाणारे मांस आणि जिवंत प्राणी खरेदी केली. या भागात शनिवारी लोकांची मोठी गर्दी जमा झाली होती. येथे कुत्रा, मांजरीचे मांस विकले जात होते. कोरोनाचे संकट संपल्याचे येथील नागरिकांना वाटत आहे.
चीनमध्ये ससा आणि बदकाचे मांस खाऊन आनंदोत्सव साजरा करण्यात आला. शिवाय, वटवाघळाची जोरदार विक्री सुरू झाली आहे. चीनमधील वुहान शहरातून कोरोना व्हायरस जगभरात पसरला होता. पॅंगोलिनकडून वटवाघूळाच्या माध्यमातून कोरोना व्हायरसने माणसांच्या शरीरात प्रवेश केल्याची शक्यता वर्तवण्यात येत आहे. चीनमधून पसरलेल्या या व्हायरसमुळे जगभरातील 34 हजार जणांचा मृत्यू झाला आहे. शिवाय आतापर्यंत 7,23,434 जणांना संसर्ग झाला आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.