सध्या महाराष्ट्रात जरी पावसाची चाहूल लागली असली तरी उन्हाचा चटका काय कमी होताना दिसत नाहीये. जवळपास ४० डिग्रीच्या आसपास तापमान असून येत्या काही दिवसांत मान्सून दाखल झाल्यावर हे तापमान कमी होण्याची शक्यता आहे. पण चीनमध्ये उन्हाचा कडाका खूप वाढला आहे.

चीनमध्ये उन्हामुळे काही लोकं फ्रीजमध्ये बसल्याचे फोटो सोशल मीडियावर व्हायरल झाले आहेत. या फोटोवरून तेथील उन्हाची तीव्रता आपल्या लक्षात येईल. यामध्ये एक मुलगा फ्रीज बंद करून मोबाईल वापरताना दिसत आहे. होय, आजकाल चीनमध्ये एवढी उष्णता वाढली आहे की लोक त्रस्त आहेत.

दरम्यान, अशा परिस्थितीत उन्हापासून सुटका मिळवण्यासाठी ते काहीही करत आहेत. व्हायरल व्हिडिओमध्ये एक मुलगा फ्रीजमध्ये आरामात बसून मोबाईल चालवताना दिसत आहे. बाहेर बसलेल्या त्याच्या मित्राने त्याचा व्हिडिओ बनवला आणि सोशल मीडियावर शेअर केला. सोशल मीडियावर अनेक मीम्ससुद्धा व्हायरल होत असतात.