वॉशिंग्टन - आपले खासगी वकील मायकल कोहेन यांना निवडणुकीसंदर्भातील खर्चापोटी अडीच लाख डॉलर दिल्याचा खुलासा अमेरिकेचे अध्यक्ष डोनाल्ड ट्रम्प यांनी आज केला. यातील 1 लाख 30 हजार डॉलर पोर्न स्टार स्टॉर्मी डॅनियल्स हिला देण्यात आल्याची माहितीही समोर आली आहे.
ट्रम्प यांनी आपल्या आर्थिक तपशिलाची माहिती मंगळवारी ऑफिस ऑफ गव्हर्नमेंट इथिक्सकडे (ओजीइ) सादर केली. "ओजीइ'ने सदर फॉर्मची पडताळणी केल्यानंतर तो सार्वजनिक केला असून, त्याद्वारे ही माहिती उघड झाली. ही रक्कम नेमकी कशावर खर्च करण्यात आली, याचा उलगडा झाला नसून, अध्यक्षपदाच्या निवडणुकी वेळी ट्रम्प यांच्याशी शारीरिक संबंध प्रस्थापित केल्याचा गौप्यस्फोट स्टॉर्मी हिने केला होता. तिचे तोंड बंद ठेवण्यासाठी सदरची रक्कम अदा करण्यात आल्याचे समजते.
दरम्यान, कोहेन आणि ट्रम्प यांनी यापूर्वीच स्टॉर्मीला पैसे दिल्याच्या वृत्ताला दुजोरा दिला असून, याप्रकरणी एफबीआयकडून तपास सुरू आहे. एबीआयने गेल्या महिन्यात कोहेन यांच्या निवासस्थानी छापा टाकून काही महत्त्वाची कागदपत्रेही जप्त केली आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.