बोगोटा : कोलंबियाचे अध्यक्ष गुस्तावो पेट्रो यांचा मुलगा निकोलस पेट्रो याला पोलिसांनी अटक केली. मागील वर्षा कोलंबियामध्ये झालेल्या निवडणुकी दरम्यान अमलिपदार्थांची तस्करी करणाऱ्या तस्करांकडून पैसे घेतल्याचा त्याच्यावर करण्यात आला आहे.

या अटकेबाबत बोलताना गुस्तावो म्हणाले की, ‘‘या घटनेने एक वडील म्हणून मला वेदना होत आहेत मात्र मी यात कोणताही हस्तक्षेप करणार नाही. त्याचप्रमाणे मी न्यायाधीशांनासुद्धा कायद्यानुसार या प्रकरणी सुनावणी करण्याची विनंती करतो.’’

राष्ट्राध्यक्ष गुस्तावो यांनी ट्विटमध्ये लिहिले की, 'मी माझ्या मुलासाठी प्रार्थना करतो की तो मजबूत राहो. या वेळी त्याला त्याचे चारित्र्य घडविण्यात मदत करावी आणि त्याच्या चुकांवर चिंतन करावे.

निकोलस पेट्रो यांनी आपल्यावरील आरोप फेटाळले असले तरी गुस्तावो पेट्रो यांच्या मुलाची अटक हाही त्यांच्या सरकारसाठी मोठा धक्का आहे. वास्तविक या मुद्द्यावरून विरोधक सरकारला घेराव घालत आहेत. (latest global news)

राष्ट्राध्यक्ष पेट्रो यांनी कोलंबियामध्ये शांतता प्रस्थापित करण्याचे आश्वासन दिले आहे. ऑगस्टमध्ये नॅशनल लिबरेशन आर्मीसोबत झालेल्या चर्चेनंतर युद्धविराम अपेक्षित होता पण हिंसाचाराच्या ताज्या घटनांमुळे ही चर्चा कोलमडली आहे.