न्यूयॉर्क - जागतिक महासत्ता म्हणविणाऱ्या अमेरिकेत कोरोनाने सर्वांत जास्त धूमाकूळ घातला आहे. भारताच्या तुलनेत अमेरिकेत कोरोनाने १०० पटींने अधिक उग्र स्वरुप धारण केले आहे. अमेरिकेच्या तुलनेत देशात कोरोनाचा प्रसार कमी झाल्याची बाब आकडेवारीच्या तुलनात्मक अभ्यासातून स्पष्ट होत आहे. अमेरिकेमध्ये दहा लाख लोकांमागे ३ हजार ८१६ कोरोनाबाधीत सापडतात. तर भारतात हीच संख्या फक्त ३८ एवढी आहे.

ताज्या बातम्यांसाठी डाऊनलोड करा ई-सकाळचे ऍप

वर्ल्डओमिटर या संकेतस्थळावर प्रसिद्ध होणाऱ्या कोरोनासंबंधीच्या सायंकाळी ७ वाजेपर्यंतच्या आकडेवारीच्या आधारे हे विश्‍लेषण करण्यात आले आहे. अमेरिकेत १० लाख लोकसंख्येमागे २२६ कोरोनाबाधितांचा मृत्यू झाला आहे, तर आपल्या देशात फक्त एक ते दोन व्यक्तींचा कोरोनामूळे मृत्यू झाल्याचे प्रमाण आहे. देशात कोरोनाचा संसर्ग आणि मृत्यूदराप्रमाणे कोरोनाच्या चाचणीचा वेगही कमी आहे. असे जरी असले तरी तुलनात्मक दृष्ट्या बाधितांची सापडणारी संख्या देशात कमीच आहे. देशाच्या लोकसंख्येचे प्रमाण आणि घनता बघता कोरोनाचा प्रसार तुलनेने कमी झाल्याचे यातून स्पष्ट होते. लॉकडाउनचा सकारात्मक परिणाम कोरोनाचा संसर्ग रोखण्यासाठी निश्‍चितच झाला आहे. परंतु तिसऱ्या टप्प्यातील लॉकडाउनमध्ये नागरिकांना सूट देण्यात आली आहे. आता जर सोशल डिस्टन्सिंगचे पालन झाले नाही, तर हे आकडे बदलायला फार वेळ लागणार नाही. 

लसीशिवायच कोरोनाचा नायनाट होईल, ट्रम्प यांचा अजब दावा

अमेरिकेत मृतांची टक्केवारी जास्त 
अमेरिकेत भारतापेक्षा अडीच पटीने जास्त कोरोना बाधित रुग्ण दगावत आहे. देशात शंभर पैकी ९० तर अमेरिकेत शंभर पैकी ७४ रुग्ण बरे होऊन घरी परतत आहेत. भारताच्या तुलनेत अमेरिकेत आरोग्य सुविधा उत्तम असतानाही बाधीतांच्या वाढत्या संख्येमुळे ती कोलमडण्याच्या स्थितीत आहे. भारतात ही संख्या अशा वेगाने वाढली तर कल्पनाच नको. त्यामुळे नागरिकांनी तिसऱ्या लॉकडाउनच्या काळात सोशल  डिस्टन्सिंगसह नियमांच काटेकोर पालन करणे गरजेचे आहे.