एका बाजूला प्रति क्विंटल कापसाला १० ते १२ हजार रुपये भाव मिळावा या आशेत असलेल्या शेतकऱ्यांना प्रति क्विंटल कापसामागे केवळ ७१०० ते ७२०० रुपये इतकाच भाव मिळत आहे. यामुळे यंदाच्या वर्षी शेतकऱ्यांना आर्थिक संकटाला सामोरे जावे लागत आहे.

कापसाला समाधानकारक भाव मिळत नसल्यामुळे शेतकऱ्यांनी कापूस घरात साठवुन ठेवला आहे. याच बरोबर कापुस विक्री थांबवली आहे. यामुळे बाजारातील कापसाची आवक घटली आहे. ज्याचा थेट परिणाम हा जिनिंग व्यवसायावर देखील होत आहे. सध्या फक्तव ४० टक्के जिनिंग सुरु असून ६० टक्के जिनिंग या घडीला बंद आहेत.

सुत उपलब्ध

जागतिक पातळीवर सूत उद्योजकांकडे मोठ्या प्रमाणावर सध्या सुत उपलब्ध आहे. यामुळे जागतिक पातळीवर कापसाची मागणी कमी झाली आहे. भारतातून आयात करणाऱ्या (importer) देशांकडूनही सुताची मागणी कमी झाल्याने याचा थेट परिणाम हा कापसाच्या भावावर झाला (cotton rate )आहे. भारताचे सूत दर हे इतर देशांपेक्षा जास्त असल्याने भारतातील कापूस मालाला (indian cotton) कमी भाव मिळत आहे.

जागतिक बाजारपेठ

बांगलादेश जो भारताचा मुख्य आयातदार(impoter) आहे जिथून मोठ्या प्रमाणावर भारतातून सूत विकत घेतले जाते. त्याचीही आर्थिक परिस्थिती चांगली नसल्यामुळे भारताच्या सूत निर्यातीवर परिणाम होत आहे. परिणामी कापसाची मागणी घटली आहे.

त्याच प्रमाणे पाकिस्तान, इंडोनेशिया, चीन व जपान या देशांकडूनही होणारी सुताची मागणी ही कमी झाली आहे. यामुळे कापसाला यंदाचा भाव चांगल्या पद्धतीवर मिळत नाही आहे.

तज्ज्ञांचा सल्ला

शेतकऱ्यांना भाव वाढावा अशी अपेक्षा आहे. संक्रांतीपर्यंत हा भाव वाढेल अशी अपेक्षा शेतकरी करत जरी असले तरी देखील त्याबाबत आशादायी वातावरण पाहायला मिळत नाही. संक्रांतीनंतरही शेतकऱ्यांच्या कापसाला भाव मिळेल असे चित्र सध्या पाहायला मिळत असे दिसून येत नाही.

उलट शेतकऱ्यांचा घरात कापूस राहिल्याने कापसाची गुणवत्ता कमी होईल व येत्या काळात सध्या मिळत असलेल्या भावापेक्षाही कमी भाव शेतकऱ्यांना मिळू शकतो असे म्हटले जात आहे. अश्यावेळी आपल्याकडे असलेल्या कापसापैकी काही भाग हा शेतकऱ्यांनी विकावा असा सल्ला तज्ज्ञ देत आहेत.