सोल - कोविड-19 विषाणुमुळे मुलांमध्ये प्राणघातक आजाराची लक्षणे दिसण्याची दुर्मिळ नोंद दक्षिण कोरियातही झाली आहे. उपचारानंतर या मुलांची प्रकृती सुधारत आहे. कोरिया रोग नियंत्रण व प्रतिबंध केंद्रातर्फे ही माहिती देण्यात आली. कोविड-19 विषाणुमुळे मुलांना असलेला धोका सुरवातीला कमी मानला जात होता. आता त्यात काहीशी वाढ झाली आहे. कोविड-19 रुग्णांची नोंद झालेल्या पहिल्या काही देशांत दक्षिण कोरियाचा समावेश आहे, पण नंतर काटेकोर आणि भक्कम प्रतिबंधात्मक उपाययोजनेमुळे तेथील संसर्ग आटोक्‍यात राहिला. 

ताज्या बातम्यांसाठी डाऊनलोड करा ई-सकाळचे ऍप

आजाराचे स्वरुप असे 
- "एमआयएस-सी' (मल्टी-सिस्टीम इन्फ्लमेटरी सिंड्रोम इन चिल्ड्रन) रोगासारखी लक्षणे 
- रोगाचे अधिकृत नाव ः "पेडीऍट्रीक मल्टी-सिस्टीम इन्फ्लमेटरी सिंड्रोम पोटेन्शीयली असोसिएटेड विथ कोविड-19' 
- संसर्गामुळे विषबाधा होऊन शरीराला झटके बसणे 
- कावासाकी आजाराशीही संबंध ज्यामुळे रक्तवाहिन्यांना सूज येऊन त्या जास्त लाल पडतात 
- ताप, त्वचेवर पुरळ, ग्रंथींना सूज येणे 
- लक्षणे जास्त गंभीर असल्यास ह्रदयाला सूज 

यापूर्वीची उदाहरणे 
- फ्रान्स, इटली, स्पेन, ब्रिटन आणि अमेरिका 
- न्यूयॉर्क प्रांतात शंभर हून जास्त रुग्णांची नोंद 

पुण्याच्या बातम्या वाचण्यासाठी येथे ► क्लिक करा 

- सोमवारी दोन मुले दाखल 
- मुलगा 11 वर्षांचा, तर मुलीचे वय 4 
- रुग्ण व्यवस्थापन प्रमुख क्वाक जीन यांच्या माहितीनुसार कावासाकी रोगावरील उपचार पद्धतीचा अवलंब 
- मुलाला रुग्णालयातून घरी सोडण्यात आले 
- मुलीला लवकरच "डिस्चार्ज' मिळण्याची अपेक्षा 

दोन्ही मुले उपचारानंतर बरी झाली आहेत. त्यांची कोविड-19 चाचणी निगेटीव्ह आली, पण आम्ही आणखी अभ्यास करणार आहोत. खास करून मुलगा जानेवारी ते मार्च दरम्यान फिलीपीन्समध्ये असल्याने त्याच्यावर जास्त लक्ष असेल. आम्ही दोघांनी कोविड-19 साठी प्रतिपिंड चाचणी करू, जेणेकरून त्यांना संसर्ग झाला होता का हे नक्की समजू शकेल. या चाचणीनंतर ते "एमआयएस-सी' आजाराचे रुग्ण ठरतात का हे ठरवू. 
- जिआँग यून-क्‍यिआँग, रोग प्रतीबंध संचालक