इंग्लंड : महिलांवरील अत्याचाराची संख्या दिवसेंदिवस वाटतच आहे. काही केल्या अत्याचार कमी होण्याचे नाव घेत नाही आहे. घरातून बाहेर पडली मुलगी, महिला सुखरूपच घरात येईल याची कोणी शाश्वती देऊ शकत नाही. या गोष्टींचा अनेकांना राग येत असला तरी त्यापेक्षाही भयानक घटना इंग्लंडमध्ये घडली आहे. नराधमाने महिलांच्या मृतदेहांवर सलग १२ वर्षे शवगृहात बलात्कार केला. डेव्हिड फुलर असे आरोपीचे नाव आहे.

इंग्लंडच्या द इंडिपेंडंटच्या वृत्तानुसार, हा भयानक प्रकार टाऊन हीथफिल्डमध्ये घडला आहे. फुलरने १९८७ पासून १२ वर्षे हेथफील्ड हॉस्पिटलच्या दोन शवगृहांमध्ये जवळपास शंभर महिलांच्या मृतदेहांवर बलात्कार केला. मात्र, त्याच्या या कृत्याची साधी कल्पनाही कुणाला लागली नाही. फुलर हा रात्री उशिरापर्यंत शवागारात काम करीत होता. तोपर्यंत इतर कर्मचारी आपापल्या घरी निघून जात होते. फुलर हा इलेक्ट्रिशीयन म्हणून कामाला होता.

फुलरने दोन महिलांची हत्या केल्यानंतर हे प्रकरण उलगडण्यास सुरुवात झाली. त्याची चौकशी केली असता फुलरचा डीएनए तेथे सापडला, त्यानंतर त्याला संशयावरून अटक करण्यात आली होती. त्यानंतर हळूहळू संपूर्ण प्रकरण उघड झाले. यानंतर फुलरने स्वत: कबूल केले की त्याने सुमारे शंभर महिलांच्या मृतदेहांसोबत शारीरिक संबंध प्रस्थापित केले.

२०११ मध्ये फुलरला पुन्हा अटक करण्यात आली. यावेळी तो एकूण ५१ वेगवेगळ्या गुन्ह्यांमध्ये दोषी आढळला. दोन्ही शवगृहांमध्ये फुलरने बलात्कार केल्याची ७८ मृतदेहांची ओळख पटली. एवढेच नाही तर फुलरच्या घरातून अश्लील छायाचित्रे, मृतदेहासोबतचे अश्लील व्हिडिओ, हार्ड ड्राइव्ह, फ्लॉपी डिस्क, डीव्हीडी आणि मेमरी कार्डसुद्धा सापडले. न्यायाधीशांनी त्याला दोषी ठरवले असून लवकरच शिक्षा होईल.

बलात्काराचे बनवले व्हिडिओ

जवळपास ३४ वर्षांनंतर कोर्टाने फुलरला महिलांच्या मृत शरीरावर बलात्कार केल्याप्रकरणी दोषी ठरवले आहे. या प्रकरणाचा खुलासा झाल्यानंतरही आर्श्‍चय व्यक्त करण्यात येत आहे. फुलरने १२ वर्षे शवागारात महिलांच्या मृतदेहांवर बलात्कार केला आणि त्याचे व्हिडिओही बनवले.