PM Modi in Egypt : तीन दिवसांच्या अमेरिका दौऱ्यानंतर पंतप्रधान मोदी शनिवारी इजिप्तची राजधानी कैरो येथे पोहोचले. त्यांनी रविवारी हेलिओपोलिस वॉर मेमोरियल आणि अल हकीम मशिदीला भेट दिली. पंतप्रधानांचा हा दौरा दोन दिवसांचा आहे.

या दौऱ्यादरम्यान इजिप्तचे राष्ट्रपती अब्देल फताह अल-सिसी यांनी पंतप्रधान नरेंद्र मोदींना कैरो येथे 'ऑर्डर ऑफ द नाईल' पुरस्काराने सन्मानित केले, 'ऑर्डर ऑफ द नाईल' हा इजिप्तचा सर्वोच्च राज्य सन्मान आहे.

गेल्या नऊ वर्षांच्या कार्यकाळात पंतप्रधान मोदींना अनेक आंतरराष्ट्रीय पुरस्कार मिळाले आहेत. जगभरातील विविध देशांनी पंतप्रधान मोदींना प्रदान केलेला हा 13 वा सर्वोच्च राज्य सन्मान आहे.

पंतप्रधान नरेंद्र मोदी अमेरिकेच्या दोऱ्यानंतर इजिप्त येथे पोहचले आहेत. या भेटीत पंतप्रधान नरेंद्र मोदी यांनी इजिप्तचे राष्ट्राध्यक्ष अब्देल फताह अल-सिसी यांची कैरो येथे भेट घेतली. या महत्वपूर्ण बैठकीनंतर द्विपक्षीय चर्चा होणार आहे. यामध्ये अनेक महत्त्वाच्या करारांवर स्वाक्षऱ्या होणार आहेत. तत्पूर्वी, पंतप्रधान मोदींनी इजिप्तमधील ऐतिहासिक अल-हकीम मशिदीलाही भेट दिली. यावेळी त्यांनी मशिदीतील मौलवींचीही भेट घेतली.

रविवारी कैरो येथील अल हकिम मशिदीला त्यांनी भेट दिली. ११व्या शतकात दाऊदी बोहरा समुदायाने या मशिदीचा जिर्णोध्दार केला होता. या व्यातीरिक्त ही मशिद युनेस्को च्या जाकतिक वारसास्थळांमध्ये समील करण्यात आली आहे, या मशिदीत पोहचल्यावर मोदींचं जोरदार स्वागत करण्यात आलं.