ट्विटर कर्मचाऱ्यांसाठी आजचा दिवस कठीण आणि दुःखद आहे. इलॉन मस्क यांनी कंपनीतून कर्मचाऱ्यांना कमी करणार असल्याचं निश्चित केलं आहे. आता कंपनीकडून कर्मचाऱ्यांना ईमेल्सही पाठवले जात आहेत. एवढंच नव्हे तर ऑफिसला येत असाल तर घरी परत जा आणि मेलची वाट पाहा, असंही कंपनीने कर्मचाऱ्यांना सांगितलं आहे.

काय लिहिलं आहे या ई-मेलमध्ये?

"Twitter ला आणखी कार्यक्षण करण्याच्या प्रयत्नात, आम्ही शुक्रवारी जागतिक पातळीवर कर्मचारी कमी करण्याच्या कठीण प्रक्रियेतून जाऊ. आम्हाला माहित आहे की याचा परिणाम अनेक व्‍यक्‍तींवर होईल ज्यांनी Twitter वर अमूल्य योगदान दिले आहे, परंतु कंपनीचे यश पुढे जाण्‍यासाठी ही कृती दुर्दैवाने आवश्‍यक आहे. आमच्या कर्मचार्‍यांचे स्वरूप आणि प्रभावित व्यक्तींना शक्य तितक्या लवकर माहिती देण्याची आमची इच्छा लक्षात घेता, ही प्रक्रिया मेलद्वारे पार पडेल. शुक्रवार 4 नोव्हेंबर रोजी सकाळी ९ वाजेपर्यंत पर्यंत, प्रत्येकाला वैयक्तिक ईमेल मिळेल".

हेही वाचा - भारतीय मंदिरे- धार्मिकतेबरोबरच सामाजिक अंगे जपणारी केंद्रे

"तुमच्या रोजगारावर परिणाम होत नसल्यास, तुम्हाला तुमच्या Twitter ईमेलद्वारे सूचना प्राप्त होईल. तुमच्या रोजगारावर परिणाम झाला असल्यास, तुम्हाला तुमच्या वैयक्तिक ईमेलद्वारे सूचना मिळेल. प्रत्येक कर्मचाऱ्याची तसेच Twitter प्रणाली आणि ग्राहक डेटाची सुरक्षितता सुनिश्चित करण्यात मदत करण्यासाठी, आमची कार्यालये तात्पुरती बंद केली जातील आणि सर्व बॅज प्रवेश निलंबित केले जातील. तुम्ही ऑफिसमध्ये असाल किंवा ऑफिसला जात असाल तर कृपया घरी परत जा".

कंपनीने अद्याप कोणतीही ठोस माहिती दिलेली नसली तर अनेक राष्ट्रीय आंतरराष्ट्रीय माध्यमांनी याविषयी माहिती दिली आहे. आज इलॉन मस्क जवळपास ५० टक्के कर्मचाऱ्यांना काढून टाकणार आहे. त्याने ट्विटरचे माजी सीईओ पराग अग्रवाल आणि कायदेशीर प्रमुख विजया गड्डे यांच्यासह उच्च व्यवस्थापनातील लोकांना आधीच काढून टाकले आहे.