नवी दिल्ली - अमेरिकेत एका महिलेला विमानाच्या इमर्जन्सी लँडिंगनंतर अटक करण्यात आली. या महिलेने ३७ हजार फूट उंचीवर उडणाऱ्या विमानाचा दरवाजा उघडण्याचा प्रयत्न केला होता. ३४ वर्षीय इलोम अगबेदानीनोउ यांनी असा दावा केला की, उड्डाणाच्या काही वेळानंतर "येशूने तिला विमानाचा दरवाजा उघडण्याचा आदेश दिला." या संदर्भात क्लिक2ह्युस्टन या न्यूजपोर्टलने वृत्त दिलं आहे. (emergency plane landing as a woman claimed jesus told her to open plane door)

फ्लाइट क्रूने तिला इमर्जन्सी एक्झिटपर्यंत पोहोचण्यापासून रोखले. त्यानंतर महिला संतापली आणि तिने फ्लाइटचा दरवाजा उघडण्याचा प्रयत्न केला. या धक्कादायक घटनेनंतर सहप्रवाशांनी हस्तक्षेप केला आणि इलोमला थांबवले, पण इलोमने सहप्रवाशाच्या मांडीला चावा घेतला.

दरम्यान या घटनेमुळे पायलटला विमानाचं इमर्जन्सी लँडिंग करावं लागलं. या घटनेमुळे विमानातील प्रवाशी तणावाखाली आले होते. अमेरिकेतील जिल्हा न्यायालयात सादर करण्यात आलेल्या कागदपत्रांवरुन ही माहिती समोर आलीये. गेल्या आठवड्यात ही घटना घडली होती.