फिनलँडच्या महिला पंतप्रधानाचा एक व्हिडिओ काही दिवसांपूर्वी व्हायरल झाला होता. फिनलँडच्या पंतप्रधान सना मरीन या व्हिडिओमध्ये पार्टी करत असल्याच्या दिसत होत्या. हा व्हिडिओ व्हायरल झाल्यावर विरोधी पक्षनेत्यांनी त्यांच्यावर जोरदार टीका केली होती. पंतप्रधान सना मरीन यांनी मद्यपान केल्याचा आरोप होऊ लागला होता. त्यानंतर त्यांना विरोधकांकडून ड्रग तपासणी करण्याची मागणी करण्यात आली होती.

(Finland PM Party Viral Video Updates)

हे प्रकरण वाढल्यानंतर पंतप्रधान सना मरीन यांना स्वत:च्या पैशातून ड्रग तपासणी केली आणि रिपोर्ट पाहून सर्वांच्या नजरा थक्क झाल्या. ज्या पंतप्रधानांना मद्यपान केल्यामुळे विरोधकांकडून धारेवर धरले जात होते. त्या सना मरीन यांच्या रिपोर्टमध्ये त्यांनी कोणत्याही प्रकारचं मद्यपान न केल्याची माहिती समोर आली आहे.

हे रिपोर्ट समोर आल्यानंतर पंतप्रधान कार्यालायाकडून या व्हायरल व्हिडिओसंदर्भात स्पष्टीकरण देण्यात आलं होतं. त्यांच्या रक्ताच्या आणि लघवीच्या नमुन्यात कोणत्याही प्रकारचे मद्याचे प्रमाण आढळले नसल्याचं कार्यालयाकडून स्पष्ट करण्यात आलं आहे. त्यानंतर हा वाद मिटला पण एका व्हिडिओवरून देशभरात खूप मोठा गोंधळ माजला होता.