टाम्पा (अमेरिका) : मंगळाच्या पृष्ठभागाखाली प्रथमच एक मोठे सरोवर असल्याचे आढळून आले असून, यामुळे तेथे जीवसृष्टीचीही शक्यता वर्तविण्यात येत आहे. इटलीच्या संशोधकांना हे सरोवर सापडले आहे. याबाबतचे संशोधन त्यांनी अमेरिकेतील एका विज्ञानविषयक जर्नलमध्ये प्रसिद्ध केले आहे.
मंगळावरील बर्फाच्या थराखाली हे सरोवर असून, त्याची लांबी जवळपास वीस किलोमीटर आहे. मंगळ ग्रहावर सापडलेला पाण्याचा हा सर्वांत मोठा साठा आहे. हे सरोवर बर्फाच्या थराखाली दीड किलोमीटर खोलीवर आहे. मंगळावर तात्पुरत्या कालावधीसाठी पाण्याचे प्रवाह होते, ही समजूत या नव्या शोधामुळे चुकीची ठरली असल्याचा दावा संशोधकांनी केला आहे. मंगळावर कायमस्वरूपी पाण्याचा साठा असून, त्यामुळे जीवसृष्टीला पोषक वातावरणही असण्याची शक्यता आहे, असे संशोधकांचे म्हणणे आहे.
मंगळ हा थंड आणि कोरडा ग्रह असला, तरी कधी काळी त्यावरील वातावरण अधिक उष्ण होते. सुमारे 3.6 अब्ज वर्षांपूर्वी या ग्रहावर पाण्याचे प्रचंड साठे होते. त्यामुळे या ग्रहावर त्या पाण्याच्या साठ्याचा शोध घेण्याच्या निमित्ताने "मंगळावर जीवसृष्टी आहे का, अथवा होती का?,' या प्रश्नाचा शोध घेण्याचा संशोधक अव्याहत प्रयत्न करीत आहेत. आजच्या या शोधामुळे मंगळ मोहिमेवर मानवाला पाठविण्याबाबतही सकारात्मक विचार केला जाण्याची दाट शक्यता आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.