इस्लामिया - इजिप्तच्या सुएझ कालव्यात अडकलेले महाकाय मालवाहूजहाज आजही तिसऱ्या दिवशी बाजूला करण्यात यश आले नाही. जहाजातील या वाहतूक कोंडीमुळे सुमारे १५६ मालवाहू जहाजाचा प्रवास थांबला आहे. सुएझ कालवा हा जगातील व्यापारात महत्त्वाची भूमिका बजावतो. हा भूमध्य सागरला लाल समुद्राशी जोडला जातो. त्यामुळे आशियातून युरोपचे अंत कमी होते आणि परिणामी आफ्रिकेला वळसा घालण्याची गरज भासत नाही. तब्बल दहा हजार किलोमीटर अंतराची बचत होते. सुएझ कालव्यात २३ मार्चला एव्हरग्रीन नावाचे मालवाहू जहाज अडकल्याने या कालव्यात असंख्य जहाजांची कोंडी झाली आहे. हे जहाज ४०० मीटर लांब म्हणजेच तीन फुटबॉल मैदानाच्या आकाराएवढे मोठे जहाज आहे. २० हजार कंटेनर घेऊन जाणाऱ्या जहाजाची उंची दहा मजली इमारतीपेक्षा अधिक आहे. या वाहतूक कोंडीमुळे दरतासाला इजिप्तचे २८०० कोटी रुपयांचे नुकसान होत आहे. कारण इजिप्तला दररोज टोल टॅक्सच्या रूपातून ६७२०० कोटी रुपये मिळतात.

- ताज्या बातम्यांसाठी डाऊनलोड करा ई-सकाळचे ऍप

- पुण्याच्या बातम्या वाचण्यासाठी येथे ► क्लिक करा

तैवानची जहाज कंपनी एव्हरग्रीन मरिन कॉर्प्स नावाने या जहाजाची नोंद आहे. खराब हवामानामुळे हे जहाज फसल्याचे सांगितले जात आहे. लहान जहाजांनी पुढे जाण्याचा प्रयत्न केला, परंतु त्याचा फारसा फायदा झाला नाही. त्यामुळे या महाकाय जहाजातून कंटेनर हटवले जात असून जेणेकरून त्याचे वजन कमी होईल. हे जहाज चीनहून नेदरलँडला जात होते. सुएझ कालवा ॲथोरिटीच्या म्हणण्यानुसार, सुएझ कालव्यातील वाहतूक पूर्ववत होण्यासाठी आणखी सात दिवस लागू शकतात. हे जहाज अडकल्याने जगातील आवश्‍यक वस्तूंच्या किमतीत वाढ होऊ शकते. विशेषत: पेट्रोलियम पदार्थाची किंमत वाढू शकते. कारण जगाच्या बारा टक्के व्यापार सुएझ कालव्यातून होतो. तसेच जगभरातील ३० टक्के जहाज या कालव्यातून जातात.

Edited By - Prashant Patil