नवी दिल्ली : जगाभरात कोरोनाचा प्रादुर्भाव मोठ्या प्रमाणात वाढत असून रुग्णांचा आकडा झपाट्यानं वाढत आहे. जगातील कोरोना रुग्णांची संख्या आता तब्बल १ कोटीच्या पुढे गेली असून ५ लाखांहून अधिक जणांनी यामुळे जीव गमावला आहे.

ताज्या बातम्यांसाठी डाऊनलोड करा ई-सकाळचे ऍप 

पुण्याच्या बातम्या वाचण्यासाठी येथे  क्लिक करा

सध्या जगात कोरोना रुग्णांची संख्या १ कोटी ८२ हजार ६१३ इतकी आहे. तर, आतापर्यंत ५ लाख १ हजार ३०८ जणांचा कोरोनामुळे मृत्यू झाला आहे. कोरोनातून बऱ्या झालेल्यांची संख्या ५४ लाख ५८ हजार ५२३ इतकी आहे. तर ४१ लाख २२ हजार ७८२ रुग्णांवर उपचार सुरू आहेत. सध्या अमेरिकेत कोरोनाचे सर्वाधिक रुग्ण आहेत. जगातील कोरोना रुग्णांपैकी २५ टक्के रुग्ण केवळ अमेरिकेत आहेत. अमेरिकेतील कोरोनाग्रस्तांचा आकडा २६ लाखांच्या आसपास पोहोचला आहे. अमेरिकेत आतापर्यंत कोरोनामुळे १ लाख २८ हजार १५२ जणांचा मृत्यू झाला आहे. तर जवळपास ११ लाख रुग्ण कोरोनातून बरे झाले आहेत. तर सध्या अमेरिकेत १४ लाख रुग्णांवर उपचार सुरू आहेत. अमेरिकेनंतर सर्वाधिक कोरोना रुग्ण ब्राझीलमध्ये आहे. ब्राझीलमध्ये कोरोनाचे १३ लाख रुग्ण आहेत. ब्राझीलमध्ये ५७ हजारांहून अधिक जण कोरोनामुळे मृत्यूमुखी पडले आहेत. रशियामध्ये कोरोनाचे ६ लाखांपेक्षा जास्त रुग्ण आहेत. तर मृतांचा आकडा ९ हजारांच्या जवळ पोहोचला आहे.
--------------
प्रत्येक रविवारी होणार लॉकडाऊन; राज्य सरकारचा मोठा निर्णय
--------------
भारतातील कोरोनाबाधितांच्या संख्येनंही ५ लाखांचा टप्पा ओलांडला आहे. तर भारतात आतापर्यंत कोरोनामुळे १६ हजारहून अधिक जणांचा बळी गेला आहे. भारतात आता ५ लाख ८ हजार ९५३ कोरोना रुग्ण आहेत. यापैकी २ लाख ९५ हजार ८८० रुग्ण बरे होऊन घरी गेले आहेत. तर १ लाख ९७ हजार ३८७ रुग्ण हे अॅक्टिव्ह आहेत. आत्तापर्यंत करोनाची लागण होऊन देशभरात १५ हजार ६०० वर मृत्यू झाले आहेत. परंतु, दिलासादायक बाब म्हणजे देशात कोरोना रुग्ण बरे होण्याचे प्रमाण हे वेगाने वाढते आहे. ही बाब भारतासाठी चांगलीच आहे. मागील २४ तासांमध्ये कोरोनाचे १० हजार २४५ रुग्ण बरे होऊन घरी गेले आहेत. आत्तापर्यंत ३ लाखांच्या आसपास रुग्ण देशभरात बरे झाले आहेत अशीही माहिती केंद्रिय आरोग्यमंत्री डॉ. हर्षवर्धन यांनी दिली आहे.