जवळच्या माणसाच्या निधनाने प्रत्येकालाच मोठा धक्का बसतो. समोरची व्यक्ती गेल्याचं सत्य पचवणं अनेकांना अवघड जातं. असाच एक किस्सा समोर आला आहे, ज्यामध्ये एक माणूस दोन-चार महिने नव्हे, तर तब्बल ६ वर्षे आपल्या आईच्या मृतदेहासोबत राहिला.

तुम्ही अशा अनेक कथा ऐकल्या असतील की लोक नातेवाईकांच्या मृतदेहांसोबत अनेक वर्ष राहतात. पण या माणसाचं कारण थोडं वेगळं आहे. त्या व्यक्तीनं हे दुःख किंवा धक्का बसल्यामुळे केलं नाही तर त्याच्या स्वार्थासाठी केलं आहे.

डेली स्टारच्या रिपोर्टनुसार, मृत महिलेचे नाव हेल्गा मारिया हेंगबार्थ आहे. तिच्या मृत्यूनंतर ६ वर्षे तिच्या मुलाने तिचा मृतदेह घरात ठेवला आणि तिच्यासोबत राहत होता. त्यानं शेजाऱ्यांना सांगितलं की, आई जर्मनीत तिच्या घरी गेली, पण तिचा मृत्यू झाला होता. आपल्या मृत आईच्या नावाने पेन्शन जमा होत असल्याने तो असा करत होता. ६ वर्षांत, त्याला त्याच्या आईच्या मृतदेहाकडून सुमारे 1 कोटी 59 लाख रुपयांहून अधिक रक्कम मिळाली आहे.

गेल्या ६ वर्षांपासून हेल्गाने तिच्या हेल्थ कार्डवरून काहीही केलं नाही, तेव्हा इटालियन अधिकाऱ्यांना संशय आला. जेव्हा त्यांनी घरावर छापा टाकला तेव्हा ६० वर्षांचा मुलगा तिथे नव्हता, पण पोलिसांना हेलगा यांचा मृतदेह बेडवर गुंडाळलेला आढळून आला. शवविच्छेदनानंतर हेल्गा यांचा मृत्यू ६ वर्षांपूर्वीच झाल्याचं कळलं. आता तो मृतदेहाच्या माध्यमातून पेन्शनचा दावा कसा करत राहिला याचा पोलीस तपास करत आहेत.