Google Contract with Canada: कॅनडामधील प्रसारमाध्यमांना ‘गुगल’कडून दरवर्षी दहा कोटी डॉलर (कॅनेडियन) डॉलर (सुमारे ८३३ कोटी रुपये) मदत मिळणार आहे. त्याबाबत गुगलशी करार करणार असल्याचे कॅनडाच्या सरकारने सांगितले.

कॅनडातील नव्या कायद्यानुसार तंत्रज्ञान कंपन्यांना मजकूर प्रसिद्ध करण्यासाठी प्रकाशकांना पैसे द्यावे लागणार आहेत. कॅनडातील ‘गुगल’वर कॅनडातील बातम्या शोधण्याची सुविधा थांबविण्याची धमकी या करारामुळे गुगला देता येणार नाही. कॅनडाचे पंतप्रधान जस्टिन ट्रुडो बुधवारी (ता.२९) म्हणाले, की स्थानिक प्रसारमाध्यमांसह पत्रकारांना योग्य प्रकारे पाठिंबा देण्याचे गुगलने मान्यता दिली आहे. दुर्दैवाने ‘मेटा’ने लोकशाही संस्थांप्रती जबाबदारी पूर्णपणे झटकली आहे.

असा करार होणे हे पत्रकारिसाठी चांगली बाब असल्याचे कॅनडाचे वारसा हक्क मंत्री पास्कल सेंट-ओंज यांनी सांगितले. ‘एक्स’वरील पोस्टवर ते म्हणाले, की पत्रकारिता, गुगल आणि कॅनडाच्या नागरिकांसाठी ही चांगली बातमी आहे. याचबरोबर एक व्यावहारिक, न्याय सुसंगत आणि बातमीविषयक स्वतंत्र परिसंस्था निर्माण करता येऊ शकतो, हे आम्ही दाखवून दिले आहे. (Latest Marathi News)