जेरुसलम- इस्त्राइलमधील परिस्तिथी स्फोटक बनत चालली आहे. इस्त्राइलमधून हृदयाचे थरकाप उडवणारे व्हिडिओ आणि फोटो समोर येऊ लागले आहेत. असाच एक व्हिडिओ समोर आला असून यात हमासच्या दहशतवाद्यांची क्रूरता दिसून आली आहे. यात हमासच्या दहशतवाद्यांनी आई-वडिलांसमोर त्यांच्या मुलीचा जीव घेतला आहे. या घटनेचा व्हिडिओ प्रचंड व्हायरल होत आहे.

इस्त्राइलमधील पत्रकार हनाया नेफ्ताली यांनी हा व्हिडिओ आपल्या सोशल मीडिया अकाऊंटवर शेअर केला आहे. यात मुलीचा तिच्या आई-वडिलांसमोरच जीव घेण्यात आला. तसेच तुमची मुलगी स्वर्गात जाईल असं हमासचे दहशतवादी म्हणताना दिसत आहेत. कुटुंबीय जिवाच्या आकांताने ओरडतात, रडतात, याचना करतात पण दहशतवादी थोडीही दया दाखवत नाहीत.

पत्रकार नेफ्ताली व्हिडिओ शेअर करत म्हणाले की, इस्त्राइली कुटुंबाला हमासच्या दहशतवाद्यांनी बंदी बनवले. त्यांच्या इस्त्राइलमधील घरावर ताबा मिळवला. कुटुंबातील सदस्यांच्या चेहऱ्यांकडे पाहा. हा मानवतेविरोधातील गुन्हा आहे. मी जगभरातील नेत्यांना आवाहन करतो की त्यांनी याबाबत कार्यवाही करावी. (Hamas terrorist execute Israeli girl in front of family)

व्हिडिओमध्ये दोन लहान मुलं आणि एक जोडपे दिसत आहे. सर्व कुटुंब रडत आहे. बॉम्ब हल्ल्याचा आवाज मागे येत आहे. सर्व कुटुंब भीतीने कापत आहे. दहशतवादी तेव्हा मुलीला मारुन टाकतो. तेव्हा लहान मुलगा रडायला लागतो. त्यावर एक दहशतवादी म्हणतो, रडू नकोस ती स्वर्गात गेली आहे. या व्हिडिओवरुन इस्त्राइलमधील परिस्थितीचे गंभीर स्वरुप दिसून येते.

दरम्यान, इस्त्राइलमध्ये घुसखोर हमास दहशतवादी धुमाकूळ घालत आहेत. अनेक महिलांचे अपहरण करण्यात आले आहे. माहितीनुसार १०० पेक्षा जास्त नागरिक आणि लष्करी सैनिकांचे हमासच्या दहशतवाद्यांनी अपहरण केले आहे. रॉकेट हल्ल्याचे सत्र सुरुच आहे. इमारती ढासळत आहेत.अनेक लोकांना बेघर व्हावे लागले आहे. येत्या काळात युद्ध अधिक तीव्र होण्याची शक्यता व्यक्त केली जात आहे. (Latest Marathi News)